قازاقستاندا لاستانعان 10 قالا گازعا نەمەسە بالامالى قۋات كوزدەرىنە كوشىرىلەدى. سەبەبى ەلىمىزدەگى ەكولوگيا ماسەلەسى باستى نازاردا بولۋى ءتيىس. بۇل تۋرالى توقايەۆ ءوزىنىڭ جولداۋىندا ايتتى، دەپ حابارلايدى almaty-akshamy.kz
سونداي-اق سۋدى ۇنەمدەۋ ماسەلەسى دە قوزعالدى.
«بۇۇ الداعى 10 جىلدىڭ ىشىندە جاھاندىق دەڭگەيدە سۋ رەسۋرسىنىڭ تاپشىلىعى بولادى دەپ بولجام جاساپ وتىر. 2030 جىلعا قاراي سۋ تاپشىلىعىنىڭ كولەمى 40% جەتۋى مۇمكىن. سوندىقتان جاڭا تەحنولوگيالارمەن سيفرلاندىرۋ ارقىلى سۋدى ۇنەمدەۋگە كوشۋىمىز كەرەك. سۋ تاپشىلىعىن جويۋدىڭ باسقا جولى جوق. بۇل – اسا ماڭىزدى مىندەت. ۇكىمەت سۋ پايدالانۋدى رەتتەۋ جانە ونى ۇنەمدەۋ تەحنولوگياسىن ەنگىزۋ جۇمىسىن ىنتالاندىرۋ ءۇشىن ناقتى شەشىمدەر ازىرلەۋى ءتيىس»، – دەدى قاسىم جومارت توقايەۆ.
الداعى بەس جىلدا حالىق 100 پايىز تازا اۋىز سۋمەن قامتاماسىز ەتىلەدى.
«وڭىرلەردى دامىتۋدىڭ ۇلتتىق جوباسى اياسىندا 5 جىل ىشىندە حالىقتىڭ 100% تازا اۋىز سۋمەن قامتاماسىز ەتۋدى تاپسىرامىن! بۇل – ۇكىمەتتىڭ الدىندا تۇرعان باستى مىندەت»، – دەدى مەملەكەت باسشىسى.