سەنات دەپۋتاتى عالياسقار سارىبايەۆ ۇكىمەت باسشىسىنا جولداعان ساۋالىندا ەلىمىزدە جولاۋشى تاسىمالىن 99 اۋە كەمەسى ىسكە اسىرىپ جاتقانىن مالىمدەدى.
2030 جىلعا قاراي جولاۋشى سانى 24 ملن-عا جەتەدى دەگەن بولجام بار. سوڭعى 30 جىلدان بەرى اۋە پاركىن جاڭارتۋ جۇمىسى ماردىمسىز جۇرگىزىلگەن. سوندىقتان قولدانىستاعى اۋە فلوتىنىڭ قىسقارۋ ءقاۋپى بار، دەپ حابارلايدى Almaty-akshamy.kz 24.kz-كە سىلتەمە جاساپ.
سەناتور وڭىرلىك اۋەجايلاردىڭ تالاپقا ساي بولۋى ءۇشىن ينۆەستيسيا تارتۋ قاجەتتىگىن اتاپ ءوتتى. بۇگىندە تەك 10-ى عانا تاۋلىك بويى جۇمىس ىستەيتىن قونۋ جۇيەسىمەن جابدىقتالعان. اۋەجايلاردى شەتەلدىك كومپانيالارعا تاپسىرۋ دا ۇلتتىق قاۋىپسىزدىكتى قامتاماسىز ەتۋدە ماسەلە تۋىنداتادى.
بۇل رەتتە سەناتور اۆياسيا مەكەمەلەرىن بىرلەسىپ باسقارۋ تەتىگىن ەنگىزۋدى ۇسىندى. سونداي-اق كادرلار دايارلىعىنا كوڭىل ءبولىپ، ۋنيۆەرسيتەتتەر بازاسىندا عىلىمي-زەرتتەۋ ينستيتۋتتارىن قۇرۋ ماڭىزدى. وعان قوسا وتاندىق زاۋىتتاردى اۆياوتىن وندىرۋگە قايتا باعدارلاۋ قاجەت. ەسكە سالا كەتەيىك، اۋەمەن قاتىنايتىنداردىڭ 70%ء-ى «Air Astana»-نىڭ ۇلەسىندە بولسا، SCAT جولاۋشىنىڭ 23%ء-ىن، ال قالعانىن «Qazaq Air» تاسيدى.