عاسىرلاردان بەرى تاريحىمىز سان وزگەرسەدە قاسيەتتى دومبىرامىز قازاقتىڭ ەلدىگى مەن ەرلىگىن، مۇڭ - مۇقتاجىن ۇرپاقتان ۇرپاققا جالعاپ كەلەدى.
بۇگىن مىنە الاتاۋدىڭ تورىندە تاعىدا كۇيمەن كۇمبىرلەپ، انمەن اۋەلەگەن كەرەمەت كەش ءوتتى.
قۇرمانعازى وركەسترىنىڭ كونسەرت زالىندا الماتى وبلىسى اكىمدىگىنىڭ قولداۋىمەن ءسۇيىنباي اتىنداعى الماتى وبلىستىق فيلارمونياسىنا قاراستى «اق جاۋىن» كامەرالىق وركەستىرىنىڭ باس كونسەرتمەيستەرى، قۇرمانعازى اتىنداعى قازاق ۇلتتىق كونسەرۆاتورياسىنىڭ وقىتۋشىسى، كۇيشىلەر وداعىنىڭ مۇشەسى، مادەنيەت سالاسىنىڭ ۇزدىگى، جىگەر بەرتىسوۆتىڭ «كۇي عۇمىر» اتتى شىعارماشىلىق كەشىن بەردى.
كەشكە كەلگەن كورەرمەندەر ونەر مايتالماندارىنىڭ شەبەرلىكتەرىنە كۋا بولىپ ناعىز رۋحاني دەمالىس الدى.
كەش «اقجاۋىن» وركەسترىنىڭ ورىنداۋىندا جانتورەنىڭ «شالقىما» كۇيىمەن شىمىلدىعىن اشىلدى.
وسىناۋ ۇلتتىق ونەرىمىزدى دارىپتەۋ جولىندا بىرىككەن اراب امىرلىكتەرى، فرانسيا، كورەيا، تۇركيا سىندى ەلدەردە ونەر كورسەتىپ، قازاق كۇيلەرىنىڭ قۇدىرەتىن پاش ەتىپ جۇرگەن جىگەر بەرتىسوۆ تەمىربەكتىڭ توكپەسى، ءاشىمتايدىڭ «قوڭىر قازىن»، سۇگىردىڭ «توعىز توراۋىن»، كەتبۇعانىڭ «اقساق قۇلان» سىندى تانىمال كۇيلەردى توگىلتە ورىندادى.
ونەردەگى جۇرگەن ىنىلەرىنە اق تىلەگىمەن ارقالاپ قۇتتىقتاي كەلگەن كەش قوناقتارى ق ر ەڭبەك سىڭىرگەن قايراتكەرى ەركىن شۇكىمان ەستايدىڭ ءانى «يۋران-اي»، ق ر ەڭبەك سىڭىرگەن قايراتكەرى ساۋلە جانپەيىسوۆا «ماحامبەتتىڭ تەرمەسى»، حالىق ءانى «اق سۇڭقار»، ق ر مادەنيەت سالاسىنىڭ ۇزدىگى امانگەلدى كۇزەۋباي بالۋان شولاقتىڭ ءانى «عاليا»، ەسەنقۇل جاقىپبەكوۆتىڭ «الداي-اۋ!» تولعاۋىن ورىنداپ، كورەرمەندەردى ءبىر سىلكىندىرىپ تاستادى.
سونىمەن قاتار ق ر ەڭبەك سىڭىرگەن قايراتكەرى ءبىلال ىسقاقوۆ پەن «اقجاۋىن» كامەرالىق وركەسترىنىڭ جەتەكشىسى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، «پاراسات»، «قۇرمەت» وردەندەرىنىڭ يەگەرى، قازاقستاننىڭ حالىق ءارتيسى، كۇيشى-كومپوزيتور سەكەن تۇرىسبەك ارتىنان ەرگەن تالانتتى شاكىرتىنە ءوز تىلەگىن ايتىپ، لەبىزىن كۇيمەن جالعادى.
قۇتتىقتاپ كەلگەندەردىڭ ىشىندە اقىن، حالىقارالىق ادەبيەت جانە ونەر قاۋىمداستىعى ۆيسە-پرەزيدەنتى - سايات قامشىگەر،ق ر مادەنيەت سالاسىنىڭ ۇزدىگى، قازاقستان جازۋشىلار وداعىنىڭ مۇشەسى، ماحامبەت سىيلىعىنىڭ لاۋرەاتى، رەسپۋبليكالىق كۇيشىلەر وداعىنىڭ الماتى فيليالىنىڭ ءتوراعاسى تالاپ قاراش، الماتى وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى دانيار ابزاليدەن ۇلى، اباي وبلىسى ءۇرجار اۋدانى اكىمىنىڭ كەڭەسشىسى.
سايلاۋعازى شارىقبايەۆ - اۋدان اكىمىنىڭ ماراپاتىن تابىس ەتتى.
ودان ءارى كەش يەسى «اق جاۋىن» وركەسترىنىڭ سۇيەمەلدەۋىمەن ءبىرقاتار تىڭ شىعارمالاردى ورىنداپ كەلۋشىلەردى كەرەمەت اسەرگە بولەدى.