بۇگىن الماتىنىڭ №29 قالالىق ەمحاناسىندا اۋديولوگيالىق سكرينينگ كابينەتى اشىلدى، بۇل بالالاردا ەستۋ قابىلەتىنىڭ بۇزىلۋىن ەرتە انىقتاۋعا باعىتتالعان بىرەگەي جوبا، دەپ حابارلايدى aqshamnews.kz
مۇنداي ماڭىزدى ءىس-شارا 2025-2026 جىلدارعا ارنالعان «مەن ەستيمىن» پيلوتتىق باعدارلاماسىنىڭ ءبىر بولىگى بولدى. باعدارلاما الماتى قالاسى قوعامدىق دەنساۋلىق ساقتاۋ باسقارماسىنىڭ قولداۋىمەن، سونداي-اق ساتر ورتالىعى، «پاس مەديكال» كومپانياسى جانە «ميلوسەرديە» ەرىكتى قوعامى» قوعامدىق قورىنىڭ قاتىسۋىمەن جۇزەگە اسىرىلدى.
«اۋديولوگيالىق سكرينينگتىك كابينەت بالالاردىڭ ەستۋ قابىلەتىن ەرتە كەزەڭدە دياگنوستيكالاۋعا باعىتتالعان، بۇل - ۋاقىتىندا ەمدەۋ مەن ناتيجەلى وڭالتۋ ءۇشىن وتە ماڭىزدى. №29 ەمحانادا كابينەت اشىلعانعا دەيىن، مۇنداي تەكسەرۋلەر №5 قالالىق كلينيكالىق اۋرۋحانادا كەلىسىم-شارت بويىنشا جۇرگىزىلگەن، ەندى دياگنوستيكا الاتاۋ اۋدانىنىڭ تۇرعىندارىنا ءوز ۇيلەرىنىڭ جانىندا قولجەتىمدى بولدى»، - دەيدى انا مەن بالا دەنساۋلىعى ءبولىمىنىڭ مەڭگەرۋشىسى جادىرا احمەتوۆا.
ەستەرىڭىزگە سالا كەتەيىك، قازاقستاندا ەستۋ دياگنوستيكاسى ەكى كەزەڭدە ۇيىمداستىرىلعان:
1. باستاپقى دەڭگەي – جاڭا تۋعان نارەستەلەردىڭ ەستۋ قابىلەتىن ولشەۋ پەرزەنتحانالاردا جۇرگىزىلەدى.
2. ەكىنشى دەڭگەي – ەمحانالاردا 1 جاسقا دەيىنگى جانە 1-دەن 3 جاسقا دەيىنگى بالالاردا ەستۋ قابىلەتىنەن ايرىلۋ جانە ساڭىراۋلىق ءقاۋپىنىڭ فاكتورلارىن انىقتاۋ ءۇشىن دارىگەرلەر انامنەز جيناي وتىرىپ، امبۋلاتوريالىق تەكسەرۋلەر جۇرگىزەدى. قاجەت بولعان جاعدايدا بالالار قالالىق اۋديولوگيا ورتالىعىنا تەرەڭدەتiپ تەكسەرۋگە جiبەرiلەدi.
«وسى جوبا اياسىندا جاقىن ارادا جانە 4 مەديسينالىق مەكەمەنى جاڭا جابدىقتارمەن جابدىقتاۋ جوسپارلانۋدا: №3 پەريناتالدىق ورتالىق، №5 پەرزەنتحانا، №10 جانە №36 قالالىق ەمحانالار»، - دەپ اتاپ ءوتتى ج.احمەتوۆا.
اۋديولوگيالىق سكرينينگتىك كابينەتتەردىڭ اشىلۋى بالالارعا ارنالعان مەديسينالىق قىزمەتتەردىڭ قولجەتىمدىلىگىن ارتتىراتىنى ءسوزسىز، ەستۋ پروبلەمالارىن ۋاقتىلى انىقتاۋدى جانە بالالار دەنساۋلىعى ءۇشىن اۋىر زارداپتاردىڭ الدىن الۋعا مۇمكىندىك بەرەدى.
دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرى بويىنشا 2050 جىلعا قاراي 2،5 ملرد. جۋىق ادام ەستۋ قابىلەتىنەن ايرىلۋدان زارداپ شەگەدى، ونىڭ 700 ملن. ادامى وڭالتۋدى قاجەت ەتەدى. الايدا بۇل جاعدايلاردىڭ كوبىن ۋاقتىلى دياگنوستيكالاۋ جانە ەمدەۋ ارقىلى الدىن الۋعا بولادى.