الاتاۋ-سيتي قالاسىنا ەرەكشە مارتەبە بەرىلىپ، تىكەلەي ۇكىمەتكە باعىناتىن بولادى، دەپ حابارلايدى Aqshamnews.kz.
بۇل تۋرالى بۇگىن مەملەكەت باسشىسى قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جاريالاعان جولداۋىندا ايتتى.
مەملەكەت باسشىسى الاتاۋ-سيتي قالاسى تولەم كريپتوۆاليۋتامەن جۇرگىزىلەتىن العاشقى سيفرلىق قالاعا اينالدىرۋدى تاپسىردى.
مەملەكەت باسشىسى قاسىم-جومارت توقايەۆ قىتايعا جاساعان ساپارى كەزىندە الەمدىك دەڭگەيدەگى كومپانيالارمەن كوپميللياردتىق كەلىسىمدەر جاسالعانىن ايتتى. سولاردىڭ ءبىرى جاھاندىق Shenzhen تەحنوپوليسىن سالۋعا قاتىسقان جانە ەندى Alatau City جوباسىن ىسكە اسىرۋعا تىكەلەي اتسالىسپاق.
پرەزيدەنتتىڭ تاپسىرماسىمەن 10 كۇننىڭ ىشىندە قالاعا ۇكىمەتكە تىكەلەي باعىناتىن ارنايى مارتەبە بەرۋ جونىندەگى جارلىق جوباسى دايىندالۋى ءتيىس. ال التى ايدىڭ ىشىندە قالا باسقارۋ ءتارتىبى مەن قارجىلىق ۇلگىلەرىن ايقىندايتىن جەكە زاڭ قابىلدانباق.
«ارنايى قۇقىقتىق مارتەبە – ارتىقشىلىق ەمەس، ول قاجەت شارا. Alatau City وڭىردەگى العاشقى تولىققاندى سيفرلىق قالاعا اينالىپ، Smart City تەحنولوگيالارىن جانە كريپتوۆاليۋتامەن تولەم جۇيەسىن قولداناتىن بولادى. جاڭا قالا – قازاقستاننىڭ بولاشاق بەينەسىن كورسەتەتىن نىسانعا اينالۋى ءتيىس»، – دەدى پرەزيدەنت.
پرەمەر-مينيستر بەكتەنوۆكە پرەزيدەنت ينۆەستيسيا سالاسىندا ۇسىنىستار ازىرلەۋ ءۇشىن 10 كۇن ۋاقىت بەردى.