الاتاۋ اۋدانىنىڭ جاستارى رەفەرەندۋمعا قاتىسۋعا نيەتتى

ءبىز بارلىعىمىز رەفەرەندۋمعا ۇلكەن ءۇمىت ارتامىز

كونستيتۋسيالىق رەفورمانى قولداۋ ءۇشىن داۋىس بەرۋ - بۇل ۇلكەن جاۋاپكەرشىلىك جانە ءبىز ءبارىمىز وسى پروسەسكە قاتىسۋعا ءتيىسپىز. بۇل تۋرالى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «AMANAT» پارتياسى فراكسياسىنىڭ مۇشەسى بەكقالي تورعايەۆ الاتاۋ اۋدانىنىڭ جاستارىمەن كەزدەسۋدە الداعى 5 ماۋسىمدا ەلىمىزدىڭ اتا زاڭىنا تۇزەتۋلەردى ءتۇسىندىرۋ بارىسىندا مالىمدەدى، دەپ حابارلايدى Almaty-akshamy.kz.

«بۇل جەردە ءسىز ادام نەمەسە پارتيا ءۇشىن داۋىس بەرمەيسىز، ءوز بولاشاعىڭىز ءۇشىن جاڭا قازاقستاندى قۇرۋعا داۋىس بەرەسىز. ءبىز بارلىعىمىز رەفەرەندۋمعا ۇلكەن ءۇمىت ارتامىز. ەلىمىزدىڭ بولاشاعى – جاستار»، - دەدى تورعايەۆ.

ماجىلىسمەننىڭ ءسوزىن قالالىق شتاب مۇشەلەرى نۇريا نيازوۆا مەن رۋسلان نۇرلىبايەۆ قولدادى.

«قازىرگى جاستار – بۇل كرەاتيۆتى يدەيالارى مەن بولاشاققا ۇلكەن جوسپارلارى بار، نەنى قالايتىنىن بىلەتىن جاس ۇرپاق. ولاردىڭ الداعى رەفەرەندۋمنىڭ ماڭىزدىلىعىن تۇسىنەتىندەرى قۋانتادى. بۇل ولاردىڭ ەلدەگى قوعامدىق-ساياسي جاعدايعا دەگەن جوعارى جاۋاپكەرشىلىگىن كورسەتەدى»، - دەپ اتاپ ءوتتى پارتيانىڭ قالالىق شتابىنىڭ مۇشەسى رۋسلان نۇرلىبايەۆ.