الاتاۋ اۋدانىنىڭ 48 كوشەسىندە ورتاشا جوندەۋ جۇمىستارى اياقتالدى، دەپ حابارلايدى Almaty-akshamy.kz
قازىرگى ۋاقىتتا الماتىنىڭ الاتاۋ اۋدانىندا ۇزىندىعى 40 شاقىرىم بولاتىن 48 كوشەسىندە جولداردى ورتاشا جوندەۋ اياقتالدى. شاپاعات شاعىن اۋدانىنداعى ۇزىندىعى 6،5 شاقىرىم بولاتىن تاعى 7 كوشەدە جول جوندەۋ جۇمىستارىن جىل سوڭىنا دەيىن اياقتاۋ جوسپارلانۋدا.
جالپى، الماتىنىڭ قالالىق موبيلدىلىك باسقارماسىنىڭ تاپسىرىسى بويىنشا 2023 جىلى اۋداندا ۇزىندىعى 46،5 كم 55 كوشەنى ورتاشا جوندەۋ جوسپارلانعان بولاتىن.
جوسپارلانعان كوشەلەردىڭ بىرىندە - ءشارىپوۆ كوشەسى بويىنشا رايىمبەك داڭعىلىنان شۇعىلا كوشەسىنە دەيىنگى تروتۋار اباتتاندىرىلدى ءارى ورتاشا جوندەلدى. بۇرىندارى كوشەگە قاتىستى تۇرعىنداردان شاعىم ءجيى تۇسەتىن. كوشەنىڭ ۇزىندىعى - 2640 م. بۇگىنگى تاڭدا جۇمىستار تولىعىمەن اياقتالدى، وسىلايشا قوعامدىق كولىك باعىتتارى قالپىنا كەلتىرىلدى.
سونداي-اق، قاراسۋ شاعىناۋدانىنداعى بالقۋراي كوشەسىندە ورتاشا جوندەۋ جۇمىستارى اياقتالدى. ازاماتتاردى اپتا سايىن قابىلداۋلارىنىڭ بىرىندە كوشە تۇرعىندارى جولدى اسفالتتاۋ تۋرالى وتىنىشپەن جۇگىندى. بۇعان دەيىن جول ورتاشا جوندەۋ بويىنشا جۇمىس جوسپارىندا ەنگىزىلمەگەن بولاتىن. اۋدان اكىمدىگىنىڭ ءوتىنىمى بويىنشا الماتىنىڭ قالالىق موبيلدىلىك باسقارماسىنىڭ مەردىگەر ۇيىمى كوشە بويىنشا جۇمىستاردى اياقتادى.