2023 جىلدىڭ باسىنان بەرى «الماتى قالالىق ادۆوكاتتار القاسىنىڭ» ادۆوكاتتارى «مەملەكەت كەپىلدىك بەرگەن زاڭ كومەگى» 13 532 ازاماتقا كورسەتىلدى، جالپى سوماسى 246 557 950 تەڭگە، قازىرگى ۋاقىتتا وسى باعىتتا زاڭ كونسۋلتانتتارى دا جۇمىس ىستەي باستايدى. زاڭدى كومەكتى كىمدەر الا الاتىنىن جانە ونى الۋ ءتارتىبى تۋرالى وكق بريفينگىندە الماتى قالاسى ادىلەت دەپارتامەنتىنىڭ وكىلدەرى ايتتى، دەپ حابارلايدى Almaty-akshamy.kz
بريفينگكە قاتىسقان مەملەكەتتىك ورگاننىڭ مەملەكەت كەپىلدىك بەرگەن زاڭ كومەگى مەن ازاماتتارعا كەشەندى الەۋمەتتىك زاڭ كومەگىن كورسەتۋ - ادىلەت ورگاندارىنىڭ باسىم مىندەتتەرىنىڭ ءبىرى.
«مەملەكەت كەپىلدىك بەرگەن زاڭ كومەگى – ونى الۋعا قۇقىعى بار جەكە جانە زاڭدى تۇلعالارعا كورسەتىلەتىن زاڭ كومەگى. قازاقستان رەسپۋبليكاسىنىڭ ءاربىر ازاماتى ازاماتتىق، اكىمشىلىك جانە قىلمىستىق پروسەستەر شەڭبەرىندە بىلىكتى زاڭ كومەگىن الۋعا اجىراماس قۇقىققا يە. مەملەكەت قازاقستان ازاماتتارىنا ادىلدىك پەن زاڭ الدىنداعى تەڭدىك قاعيداتتارى نەگىزىندە بۇل قولداۋعا كەپىلدىك بەرەدى»، - دەدى الماتى قالاسى ادىلەت دەپارتامەنتى باسشىسىنىڭ ورىنباسارى قايرات بازاربايەۆ.
مەملەكەت كەپىلدىك بەرگەن زاڭ كومەگى قۇقىقتىق كەڭەس بەرۋ تۇرىندە كورسەتىلەدى:
- اليمەنت ءوندىرىپ الۋ، زەينەتاقى مەن جاردەماقى تاعايىنداۋ، وڭالتۋ، بوسقىن نەمەسە قانداس مارتەبەسىن الۋ ماسەلەلەرى بويىنشا جەكە تۇلعالارعا، اتا-اناسىنىڭ قامقورلىعىنسىز قالعان كامەلەتكە تولماعاندارعا؛
-جىنىستىق زورلىق-زومبىلىق، ادام ساۋداسى، تەرروريزم اكتىسى قۇرباندارى نە وسى مارتەبەگە نەمەسە جاعدايعا بايلانىستى ولاردىڭ قۇقىقتارى مەن زاڭدى مۇددەلەرىن قامتاماسىز ەتۋ جانە قورعاۋ ماسەلەلەرى بويىنشا ازاپتاۋعا ۇشىراعاندار؛
- جەكە تۇلعالارعا اسىراۋشىسىنىڭ قايتىس بولۋىنان كەلتىرىلگەن زياندى وتەۋ ماسەلەلەرى بويىنشا؛
-جەكە تۇلعالارعا جۇمىسقا بايلانىستى دەنساۋلىققا كەلتىرىلگەن زياننىڭ نەمەسە قىلمىستىق قۇقىق بۇزۋشىلىقتان كەلتىرىلگەن زياندى وتەۋ ماسەلەلەرى بويىنشا؛
- ۇلى وتان سوعىسىنىڭ قاتىسۋشىلارى بولىپ تابىلاتىن جەكە تۇلعالارعا، جەڭىلدىكتەرى بويىنشا ۇلى وتان سوعىسىنىڭ قاتىسۋشىلارىنا تەڭەستىرىلگەن ادامدارعا، سونداي-اق باسقا مەملەكەتتەر اۋماعىنداعى جاۋىنگەرلىك ءىس-قيمىلدار ارداگەرلەرىنە، مەرزىمدى قىزمەتتەگى اسكەري قىزمەتشىلەرگە، ءبىرىنشى جانە ەكىنشى توپتاعى مۇگەدەكتىگى بار ادامدارعا، جاسىنا بايلانىستى زەينەتكەرلەرگە، كاسىپكەرلىك قىزمەتكە بايلانىستى ەمەس ماسەلەلەر بويىنشا؛
- كاسىپكەرلىك قىزمەتپەن بايلانىستى ەمەس ماسەلەلەر بويىنشا كوپبالالى وتباسىلارعا؛
- كاسىپكەرلىك قىزمەتپەن بايلانىستى ەمەس ماسەلەلەر بويىنشا وبلىستاردا، رەسپۋبليكالىق ماڭىزى بار قالالاردا، استانادا بەلگىلەنگەن كەدەيلىك شەگىنەن ءبىر ايدا جان باسىنا شاققانداعى ورتاشا تابىسى بار از قامتىلعان ادامدارعا (وتباسىلارعا).
سوتتاردا، قىلمىستىق قۋدالاۋ ورگاندارىندا، وزگە دە مەملەكەتتىك ورگاندار مەن مەملەكەتتىك ەمەس ۇيىمداردا جەكە تۇلعالاردىڭ مۇددەلەرىن قورعاۋ جانە ءبىلدىرۋ تۇرىندەگى مەملەكەت كەپىلدىك بەرگەن زاڭ كومەگى اكىمشىلىك جاۋاپتىلىققا تارتىلاتىن ادامدارعا؛ تالاپكەرلەر مەن جاۋاپكەرلەرگە؛ قىلمىستىق-پروسەستىك زاڭناماعا سايكەس كۇدىكتىلەرگە، ايىپتالۋشىلارعا، سوتتالۋشىلارعا، سوتتالعاندارعا، سوتتالعاندارعا جانە جابىرلەنۋشىلەرگە كورسەتىلەدى.
«جوعارىدا اتالعان بارلىق ازاماتتار تۇرعىلىقتى جەرى مەن ورنالاسقان جەرىنە قاراماستان قازاقستان رەسپۋبليكاسىنىڭ اۋماعىندا مەملەكەت كەپىلدىك بەرگەن زاڭ كومەگىن الۋعا قۇقىلى. مەملەكەت كەپىلدىك بەرگەن زاڭ كومەگىنە مۇقتاج ادامنىڭ مۇددەسى ءۇشىن مۇنداي كومەك كورسەتۋ تۋرالى وتىنىشپەن ونىڭ وكىلى زاڭداردا بەلگىلەنگەن تارتىپپەن جۇگىنە الادى»، - دەپ ءتۇسىندىردى سپيكەر.
سونىمەن قاتار، ادۆوكاتتار زاڭ كومەگىن كورسەتۋ تۋرالى شارت نەگىزىندە كەشەندى الەۋمەتتىك زاڭ كومەگىن كورسەتەدى. ول ارناۋلى الەۋمەتتىك قىزمەتتەرگە مۇقتاج ادامدارعا؛ اتاۋلى الەۋمەتتىك كومەك الۋعا قۇقىعى بار ادامدارعا؛ ۇلى وتان سوعىسىنا قاتىسۋشىلارعا جانە ولارعا جەڭىلدىكتەر بويىنشا تەڭەستىرىلگەن ادامدارعا؛ ق ر شەگىنەن تىس جەرلەردەگى جاۋىنگەرلىك ءىس-قيمىل ارداگەرلەرىنە؛ ءبىرىنشى جانە ەكىنشى توپتاعى مۇگەدەكتەرگە؛ جاسىنا بايلانىستى زەينەتكەرلەرگە؛ ارناۋلى الەۋمەتتىك كومەك كورسەتۋ ورتالىقتارىندا تۇراتىن قارتتار مەن مۇگەدەكتىگى بار ادامدارعا ارنالعان قىزمەتتەر؛ مۇگەدەكتىگى بار بالالاردى جالعىز تاربيەلەپ وتىرعان نەمەسە مۇگەدەكتىگى بار كامەلەتكە تولعان ادامداردىڭ قامقورلىعىنداعى ادامدارعا ارنالعان.
بۇل قىزمەتتى الۋ ءۇشىن الماتى قالاسىنىڭ ادىلەت دەپارتامەنتىنە جۇگىنۋگە بولادى، كومەكتى زاڭ كەڭەسشىلەرى pro bono تۇرىندە وتەۋسىز نەگىزدە كورسەتەتىن بولادى.
قازىرگى ۋاقىتتا الماتىدا مەملەكەت كەپىلدىك بەرگەن زاڭ كومەگىن الۋعا قۇقىعى بار ادامدار جۇگىنە الاتىن 15 زاڭ كەڭەسى جۇمىس ىستەيدى. مەكەنجايلارمەن ادىلەت دەپارتامەنتىنىڭ رەسمي سايتىندا تانىسۋعا نەمەسە 119 نەمەسە 14 (قۇقىقتىق اقپاراتتىق قىزمەت) نومىرىنە قوڭىراۋ شالۋعا بولادى.