سايالى ىقشاماۋدانىندا بوي كوتەرىپ جاتقان جاڭا مەديسينالىق مەكەمە ەمحانالارعا تۇسەتىن جۇكتەمەنى ازايتىپ، مەديسينالىق قىزمەتتى حالىق ءۇشىن قولجەتىمدى ەتپەك، دەپ حابارلايدى aqshamnews.kz
الاتاۋ اۋدانىنىڭ سايالى ىقشاماۋدانىندا اۋدان اكىمدىگى مەن وڭىرلىك كوممۋنيكاسيالار قىزمەتى ۇيىمداستىرعان باسپا ءسوز تۋرى ءوتتى. ءىس-شاراعا قاتىسۋشىلار 200 ادامدى قابىلداي الاتىن العاشقى مەديسينالىق-سانيتارلىق كومەك كورسەتۋ ورتالىعىنىڭ قۇرىلىسىمەن تانىستى. جوبانى 2025 جىلدىڭ تامىز ايىندا اياقتاۋ جوسپارلانعان.
سايالى ىقشاماۋدانىنداعى عيماراتتىڭ جالپى اۋماعى – 3 482 شارشى مەتر. ءقازىر ىشكى ارلەۋ جۇمىستارى جۇرگىزىلىپ جاتىر: قابىرعالار قاپتالىپ، تەرەزەلەرى مەن ۆيتراجدارى ورناتىلىپ، ەلەكتر جەلىلەرى تارتىلۋدا. قۇرىلىستىڭ 95%-ى اياقتالعان.
اۋدان اكىمى تالعات مالىبايەۆتىڭ ايتۋىنشا، نىسان پايدالانۋعا بەرىلگەن سوڭ، تۇرعىندارعا دارىگەرلىك كومەك قولجەتىمدى بولىپ، مەديسينالىق قىزمەت ساپاسى جاقسارادى.
«سايالى مەن وعان جاقىن ماڭداعى ىقشاماۋدانداردا 30 مىڭنان استام ادام تۇرادى. سوعان قاراماستان، بۇل اۋماقتا ءالى كۇنگە دەيىن مەملەكەتتىك ەمحانا بولماعان. جاڭا امبۋلاتوريا اشىلعاننان كەيىن تۇرعىندار مەديسينالىق كومەك الۋ ءۇشىن الىسقا بارمايدى. بۇرىن سايالى تۇرعىندارى 2 شاقىرىم جەر جۇرەتىن بولسا، ەندى بۇل نىسان 500–800 مەتر جەردە ورنالاسادى»، – دەيدى تالعات مالىبايەۆ.
الاتاۋ اۋدانىنداعى مەديسينالىق ۇيىمداردىڭ ۇيلەستىرۋشىسى، №29 قالالىق ەمحانانىڭ باس دارىگەرى اقميرا سادىقوۆانىڭ ايتۋىنشا، مەملەكەتتىك نورماتيۆ بويىنشا 10 مىڭ ادام تۇراتىن ەلدى مەكەندە ەمحانا ەمەس، امبۋلاتوريا اشىلۋى كەرەك.
«ءقازىر سايالى-1 مەن سايالى-2 ىقشاماۋداندارىندا 8 مىڭنان استام ادام تۇرادى. ولار №22 جانە №29 ەمحانالارعا تىركەلگەن. بۇل ەمحانالار 2،3–5،2 شاقىرىم جەردە ورنالاسقان. سوندىقتان حالىقتىڭ تىعىزدىعىن ەسكەرە وتىرىپ، وسى جولى وتباسىلىق-دارىگەرلىك امبۋلاتوريا اشۋ شەشىمى قابىلداندى»، – دەدى اقميرا سادىقوۆا.
جاڭا مەديسينالىق مەكەمە №29 (زەردەلى ىقشاماۋدانى) جانە №22 (شاڭىراق-2 ىقشاماۋدانى) ەمحانالارىنىڭ جۇكتەمەسىن ازايتۋعا كومەكتەسپەك. بۇل، اسىرەسە، كوپقاباتتى تۇرعىن ۇيلەردە تۇراتىن، ءجۇرىپ-تۇرۋى قيىن ادامدار ءۇشىن ىڭعايلى بولادى.
جاڭا امبۋلاتوريادا جالپى تاجىريبەلىك دارىگەرلەر، پەدياتر، تەراپيەۆت جانە وزگە دە ماماندار قىزمەت كورسەتەدى. سونىمەن قاتار، مۇندا حيرۋرگيا، فيزيوتەراپيا، ستوماتولوگيا كابينەتتەرى مەن الدىن الۋ قىزمەتتەرى دە اشىلادى.
امبۋلاتوريا اۋماعى اباتتاندىرىلىپ، تۇرعىندارعا ارنالعان اللەيا دا سالىنادى. بۇل جۇمىستاردى قۇرىلىس باسقارماسىنىڭ تاپسىرىسى بويىنشا «وتاۋ-قۇرمەت» ج ش س اتقارۋدا. جوبانىڭ جالپى قۇنى – 681 ميلليون تەڭگە.
نىسان پايدالانۋعا بەرىلگەن سوڭ، جاڭا ورتالىق تۇرعىنداردىڭ ءومىر ءسۇرۋ ساپاسىن ارتتىرىپ، مەديسينالىق قىزمەت الۋدى ەداۋىر جەڭىلدەتپەك.