الاتاۋ اۋدانىندا قوعامداعى ەڭ بەلسەندى 250-گە جۋىق ەر- ازاماتتىڭ باسىن قوسقان اكەلەر فورۋمى بولىپ ءوتتى، دەپ حابارلايدى aqshamnews.kz
ءىس-شارا نۇركەنت شاعىناۋدانىنداعى يننوۆاسيالىق شىعارماشىلىق ورتالىعىندا ۇيىمداستىرىلىپ، «زاڭ جانە ءتارتىپ» يدەولوگيالىق پلاتفورماسى اياسىندا وتكىزىلدى.
فورۋم بارىسىندا قاتىسۋشىلار اكەنىڭ وتباسىنداعى نەگىزگى ءرولى، اتا-انانىڭ بالا تاربيەسىندەگى جاۋاپكەرشىلىگى، سونداي-اق كامەلەتكە تولماعاندار اراسىنداعى قۇقىقبۇزۋشىلىقتىڭ الدىن الۋ ماسەلەلەرىن تالقىلادى.
اشىق ءارى كونسترۋكتيۆتى ديالوگقا پروكۋراتۋرا وكىلدەرى، يۋۆەنالدىق پوليسيا، قورعانىس ورگاندارى، سونداي-اق شاقىرىلعان ساراپشىلار مەن قوعام قايراتكەرلەرى قاتىستى.
سپيكەرلەر وتباسىلىق قۇندىلىقتاردىڭ ماڭىزدىلىعىنا، وسكەلەڭ ۇرپاقتىڭ بولاشاعى ءۇشىن جاۋاپكەرشىلىككە جانە بالالار ءۇشىن ءقاۋىپسىز ورتا قالىپتاستىرۋدا مەملەكەت پەن قوعامنىڭ بىرلەسكەن جۇمىسىنىڭ قاجەتتىلىگىنە ەرەكشە نازار اۋداردى.
فورۋم تاجىريبە الماسۋعا، وزەكتى ماسەلەلەردى تالقىلاپ، وتباسى ينستيتۋتىن نىعايتۋعا، سونداي-اق بالا تاربيەسىندە اكەلەردىڭ بەلسەندى ازاماتتىق ۇستانىمىن قالىپتاستىرۋعا باعىتتالعان باستامالاردى ازىرلەۋگە ارنالعان الاڭعا اينالدى.