«Alatau Aqparat» مەدياحولدينگىندە زاماناۋي پودكاست ستۋدياسىنىڭ اشىلۋ سالتاناتى ءوتتى. ءىس-شاراعا بەلگىلى مەديامەنەدجەرلەر، تەلەارنالار مەن ب ا ق باسشىلارى، بلوگەرلەر، يۋتيۋبەرلەر مەن كاسىپكەرلەر، سەرىكتەس ۇجىم وكىلدەرى قاتىستى.
جوبانىڭ باستى ماقساتى – ءداستۇرلى جانە جاڭا مەديانى ۇشتاستىرا وتىرىپ، كەڭ اۋديتورياعا ءارتۇرلى فورماتتا ساپالى كونتەنت ۇسىنىپ، وتاندىق مەديا سالانى دامىتۋعا ۇلەس قوسۋ. زاماناۋي تەحنيكالارمەن جابدىقتالعان بۇل الاڭ – شىعارماشىلىق جوبالارعا سەرپىن بەرىپ، جاس مامانداردى دايارلاۋعا، اقپارات كەڭىستىگىندە جاڭا يدەيالاردى جۇزەگە اسىرۋعا مۇمكىندىك بەرەدى.
اشىلۋ سالتاناتىندا «Alatau Aqparat» مەدياحولدينگىنىڭ باس ديرەكتورى ەرجان قالىمباي ۇلى «ستۋديانى قوعامداعى وزەكتى ماسەلەلەردى تالقىلايتىن، ساراپتامالىق پىكىرلەر مەن ەكسكليۋزيۆتى سۇحباتتار ۇسىناتىن مازمۇندى الاڭعا اينالدىرۋدى ماقسات ەتىپ وتىرمىز. پودكاستتار اۋديتوريانىڭ اقپارات تۇتىنۋ داعدىسىنا ساي ازىرلەنىپ، اشىق، ەركىن ءارى تارتىمدى فورماتتا ۇسىنىلادى. باستى ماقسات – اقپاراتتى ساپالى، سەنىمدى، ناقتى ءارى قىزىقتى ەتۋ»، – دەدى.
ونىڭ سوزىنشە، اتالعان ستۋديانى «ادىرنا» اقپاراتتىق اگەنتتىگى باستاعان بىرىنەشە سەرىكتەستەرمەن بىرلەسە جاساقتاعان.
ءوز كەزىگىندە بەلگىلى مەديا-مەنەدجەر، قازاقستاننىڭ ەڭبەك سىڭىرگەن قايراتكەرى نۇرجان جالاۋ قىزى ەلدەگى مەدياحولدينگتەر اراسىندا العاشقىلاردىڭ ءبىرى بولىپ پودكاست-ستۋديا اشىپ جاتقان ارىپتەستەرىنە ساتتىلىك تىلەدى.
«ەلدى ەلەڭ ەتكىزەر، كوپتىڭ كوڭىلىنەن شىعاتىن، تۇشىمدى ويلار ايتاتىن، كورەرمەنى كوپ، تارالىمى كەڭ جوبا بولسىن»، – دەدى ول.
«جاس قازاق» گازەتىنىڭ باس رەداكتورى، كتك تەلەارناسى باس ديرەكتورىنىڭ ورىنباسارى سرايىل سمايىل دا تۇساۋى كەسىلگەن ستۋديانىڭ ارىپتەستەرىنىڭ الەۋەتىن اشىپ، مەدياكەڭىستىكتەگى ورنىن ايشىقتاي تۇسەرى ءسوزسىز دەگەن تىلەگىن جەتكىزدى.
«Almaty aqshamy» مەن «ۆەچەرنيي الماتى» گازەتتەرى ايماقتىق باسىلىم بولعانىمەن، مەدياداعى مارتەبەسى جاعىنان رەسپۋبليكالىق دەڭگەيدەگى ۇلكەن اقپارات قۇرالى ەكەنى داۋسىز. ىرگەمىزدەگى قىرعىز ەلىنىڭ مەملەكەتتىك «كابار» دەگەن وتە ۇلكەن اگەنتتىگى بار. «Alatau Aqparat» سول ىرگەلى اگەنتتىكپەن ىنتىماقتاستىق مەموراندۋمىنا قول قويىپ، بايلانىس ورناتىپ جاتىر ەكەن، جاقىندا ەستىپ، وقىپ، قاتتى قۋاندىم. دەمەك، مەدياحولدينگتىڭ كوكجيەگى كەڭەيىپ، حالىقارالىق دەڭگەيگە شىقتى دەگەن ءسوز بۇل. وسىنداي الەۋەتى بار ارىپتەستەر اشىپ وتىرعان بۇگىنگى پودكاست-ستۋديا دا كەسەك-كەسەك ويلار ايتاتىن مەديا الاڭعا اينالادى دەپ سەنەمىن»، – دەدى ول.
ال «حابار» اگەنتتىگى» اق الماتى فيليالىنىڭ ديرەكتورى سەرىك ابىكەن ۇلى ءباسپاسوزدىڭ تاعدىرى كۇردەلىلەۋ بولىپ تۇرعان وسىناۋ شاقتا پودكاست-ستۋديا اشۋ – وتە قولدايتىن دۇنيە ەكەندىگىن تىلگە تيەك ەتتى.
«بۇقارالىق اقپارات قۇرالى زاماننىڭ ۇردىسىنەن قالماۋى كەرەك. سول زامانمەن بىرگە قاتار قادام باسامىز دەپ تاۋەكەل ەتىپ ءبىر ءىس باستاعان ەكەنسىزدەر، ساتتىلىك تىلەيمىز. وسى شاعىن ستۋديادا ۇلتتىڭ ءسوزىن ايتاتىن، مەملەكەتتىڭ جوعىن جوقتايتىن ۇلكەن ويلار ايتىلسىن»، – دەدى.
تانىمال جۋرناليست-پەداگوگ، ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ دەكانى قانات اۋەسباي: «ءقازىر ەلىمىزدە وسى مەدياحولدينگتەر ينستيتۋتى قارقىندى دامىپ كەلەدى. سول كوشتىڭ الدىڭعى قاتارىندا جۇرگەن «Alatau Aqparat»-تى كەيىنگى بىر-ەكى جىلدىڭ كولەمىندە جاقسى جاعىنان ەستىپ، كورىپ ءجۇرمىز. گازەت ەندى تەك وقىتىپ قانا قويماي، وسى پودكاست-ستۋديا ارقىلى كورسەتەدى، ءارى تىڭداتادى. ياعني بۇگىندە كوپ ايتىلىپ جۇرگەن كروسس-مەدياعا «Alatau Aqparat» تا ىلەستى. دەمەك، تىڭداي المايتىندار وقيدى، وقي المايتىندار كورەدى. وزىق تا زاماناۋي ترەندتەردىڭ ءبارىن وسى مەديا-ستۋديادان كورەيىك!»، – دەدى.
سونىمەن قاتار، ارمان اۋباكىر، ايدوس جۇقان ۇلى، باۋىرجان كارىپوۆ، ەربول ازانبەك، ەربول سەيىلحان، مەيىرجان اۋەلحان ۇلى، ايبار ولجايەۆ پەن نۇرلان جۇماحان سىندى ب ا ق سالاسىنىڭ مايتالماندارى ءوز ويلارىن ورتاعا سالدى.
ستۋديانىڭ اشىلۋ راسىمىنەن كەيىن قوناقتار مەدياحولدينگ مۋزەيىن ارالاپ، قازاقستان جۋرناليستيكاسى تاريحىنان سىر شەرتەتىن جادىگەرلەرمەن تانىستى.
پودكاست ستۋديادا تۇسىرىلەتىن ساراپتامالىق پىكىرلەر مەن ەكسكليۋزيۆتى سۇحباتتار مەدياحولدينگ قۇرامىنا كىرەتىن aqshamnews.kz، vecher.kz جانە alnews.kz اقپاراتىق رەسۋرستارىندا، سونىمەن قاتار، الەۋمەتتىك جەلىلەرىندە دە جاريالانىپ وتىرادى.
ستۋديانىڭ اشىلۋ راسىمىنەن كەيىن قوناقتار مەدياحولدينگ مۋزەيىن ارالاپ، قازاقستان جۋرناليستيكاسى تاريحىنان سىر شەرتەتىن جادىگەرلەرمەن تانىستى.
پودكاست – ستۋديادا تۇسىرىلەتىن ساراپتامالىق پىكىرلەر مەن ەكسكليۋزيۆتى سۇحباتتار مەدياحولدينگ قۇرامىنا كىرەتىن aqshamnews.kz، vecher.kz جانە alnews.kz اقپاراتىق رەسۋرستارىندا، سونىمەن قاتار، الەۋمەتتىك جەلىلەرىندە دە جاريالانىپ وتىرادى.
ارىپتەستەر لەبىزى
سرايىل سمايىل، «Jas Qazaq» گازەتىنىڭ باس رەداكتورى:
مەدياداعى ورنى ايشىقتالا ءتۇستى
«Almaty aqshamy» مەن «ۆەچەرنيي الماتى» گازەتتەرى ايماقتىق باسىلىم بولعانىمەن، مەدياداعى مارتەبەسى جاعىنان رەسپۋبليكالىق دەڭگەيدەگى ۇلكەن اقپارات قۇرالى ەكەنى داۋسىز. مىناۋ ىرگەمىزدەگى قىرعىز ەلىنىڭ مەملەكەتتىك «كابار» دەگەن وتە ۇلكەن اگەنتتىگى بار. «Alatau Aqparat» سول ىرگەلى اگەنتتىكپەن ىنتىماقتاستىق مەموراندۋمىنا قول قويىپ، بايلانىس ورناتىپ جاتىر ەكەن، جاقىندا ەستىپ، وقىپ، قاتتى قۋاندىم. دەمەك، مەدياحولدينگتىڭ كوكجيەگى كەڭەيىپ، حالىقارالىق دەڭگەيگە شىقتى دەگەن ءسوز بۇل. بۇگىن تۇساۋى كەسىلىپ جاتقان ستۋديا دا ارىپتەستەرىمىزدىڭ الەۋەتىن اشىپ، مەدياكەڭىستىكتەگى ورنىن ايشىقتاي تۇسەرى انىق.
سەرىك ابىكەن ۇلى،
«حابار» اگەنتتىگى» اق الماتى فيليالىنىڭ ديرەكتورى:
شاعىن ستۋديادا ۇلكەن ويلار ايتىلسىن
قازىرگى كەزەڭدە ۇلتتىق بۇقارالىق اقپارات قۇرالدارىنىڭ باعى الاي-بۇلاي بولىپ تۇرعان كەزەڭ عوي. سوندىقتان دا، اسىرەسە، ءباسپاسوزدىڭ تاعدىرى قيىن بولىپ تۇرعان وسىنداي شاقتا پودكاست-ستۋديا اشۋ – وتە قولدايتىن دۇنيە. ويتكەنى، بۇقارالىق اقپارات قۇرالى زاماننىڭ ۇردىسىنەن قالماۋى كەرەك. سول زامانمەن بىرگە قاتار قادام باسامىز دەپ تاۋەكەل ەتىپ ءبىر ءىس باستاعان ەكەنسىزدەر، ساتتىلىك تىلەيمىز. وسى شاعىن عانا ستۋديادا ۇلتتىڭ ءسوزىن ايتاتىن، مەملەكەتتىڭ جوعىن جوقتايتىن ۇلكەن ويلار ايتىلسىن. قازاق قوعامىنا، مەملەكەتكە قىزمەت ەتەتىن، ءبىزدىڭ بولمىسىمىزعا ساي دۇنيەلەردى شىعارىپ، ەلدىڭ ىقىلاسىنا بولەنە بەرىڭىزدەر.
باۋىرجان كارىپوۆ، ينتەرنەت-جوبالار جەتەكشىسى:
جاڭاشىلدىقتىڭ جارشىسى
شەتەلدىك تاجىريبەنى، جاڭاشىلدىققا قۇمار سەرگەك كوزقاراستى ايماقتىق گازەتكە پايدالانۋ وتە قۇپتارلىق قادام. مىسالى، تۇركيادا ساياسي-ساراپتامالىق باعدارلامالاردى گازەتتە جاريالانعان ماقالالار بويىنشا جاسايدى. وكىنىشكە وراي، ءبىزدىڭ ەلدە، مەديادا الەۋمەتتىك جەلىنى، اسىرەسە، فەيسبۋكتى ءبىرىنشى ورىنعا قويىپ تاستادىق. مىسالى، كەز كەلگەن داۋ-داماي تۋدىرعان نەمەسە الدەبىر ماڭىزدى وقيعا ەرتەسىنە ەگجەي-تەگجەيلى تالدانىپ، زەردەلەنىپ، گازەتتە جاريالانۋى كەرەك. نۇكتەسىن دە سول ماقالا قويۋى قاجەت. مىنە، مەرزىمدى باسىلىمنىڭ كوتەرەر جۇگى وسىنداي بولعانى ابزال. سىزدەر دە وسىنداي بيىككە شىعىڭىزدار، «Almaty aqshamy» گازەتىندە ەندى قانداي پودكاست شىعادى ەكەن دەپ كۇتىپ جۇرەتىن بولايىق.
