برازيليا تورىندە وتكەن حالىقارالىق بايقاۋدا قازاقستاندىق كاريكاتۋراشىنىڭ ەڭبەگى جوعارى باعالاندى، - دەپ حابارلايدى Aqshamnews.kz ءتىلشىسى.
2025 جىلى برازيليادا وتكەن 5ء-شى حالىقارالىق ورگان دونورلىعى تاقىرىبىنداعى كاريكاتۋرا بايقاۋىنىڭ ناتيجەلەرى جاريالاندى. بيىلعى كونكۋرسقا الەمنىڭ تۇكپىر-تۇكپىرىنەن سۋرەتشىلەر قاتىسىپ، قوعامداعى ماڭىزدى مەديسينالىق ءارى گۋمانيستىك تاقىرىپتى بەينەلەۋدە ءوز كوزقاراسىن ۇسىنعان.
بۇل بايقاۋدى برازيلياداعى گابريەل اتتى اعزا اۋىستىرۋ ينستيتۋتى ۇيىمداستىرعان.
قازاقستان اتىنان قاتىسقان Alatau Aqparat مەدياحولدينگى كاريكاتۋراشىسى عالىم سماعۇل ۇلى ىنتالاندىرۋ سىيلىعىنا يە بولدى. ونىڭ جۇمىسى ادام ءومىرىن قۇتقارۋداعى دونوردىڭ ماڭىزىن تەرەڭ استارمەن جەتكىزگەنى ءۇشىن قازىلار تاراپىنان جوعارى باعا الدى.
"سۋرەتتە فورما تابۋ كەرەك. تاقىرىپتى زاماناۋيلاندىرىپ بەردىم. ناتيجەسىندە وسىنداي تۋىندى شىقتى"، - دەيدى عالىم سماعۇل ۇلى.
ەسكە سالايىق، بۇعان دەيىن عالىم سماعۇل ۇلى ىستامبۇلداعى 16-شى حالىقارالىق تۋريستىك كاريكاتۋراشىلار بايقاۋىندا فەحمي كوفتەوگلۋ اتىنداعى جۇلدەنى جەڭىپ العان ەدى.