وسى باستاما قالامىزداعى جۇزدەگەن اعاشتى ساقتاپ قالۋعا سەپتىگىن تيگىزدى.
Alatay Aqparat جۋرناليستەرى باستاعان الماتىداعى جاسىل القاپتاردى سۋارۋ مەن كۇتىپ-باپتاۋ چەللەندجى قارقىن الۋدا. بۇگىندە وعان باسقا دا كاسىپورىندار مەن مەكەمەلەردىڭ قىزمەتكەرلەرى، ءتۇرلى ماماندىق يەلەرى، ءتىپتى قاراپايىم ازاماتتار دا قوسىلدى، دەپ حابارلايدى Almaty-akshamy.kz
بۇرىن حابارلانعانىمىزداي، ەرەكشە ىستىق كۇندەرى «ۆەچەرنيي الماتى»، «الماتى اقشامى» رەداكسيالارى مەن Almaty-akshamy.kz سايتىنىڭ قىزمەتكەرلەرى اباي داڭعىلىنىڭ بويىنداعى جۋرناليستەر اللەياسىنا كوشەتتەردى سۋارۋعا شىقتى.
«الاتاۋ اقپارات» قىزمەتكەرلەرى سۋ قۇيۋ ەستافەتاسىن قازاقستان جۋرناليستەر وداعىنا تاپسىردى.
«وتكەن جىلدىڭ كۇزىندە Alatay Aqparat ج ش س قىزمەتكەرلەرى سۇيىكتى قالامىزدى كوگالداندىرۋ اياسىندا اباي داڭعىلىنىڭ بويىنا اعاشتار اللەياسىن وتىرعىزدى. وزدەرىڭىز بىلەتىندەي، بيىل جاز وتە ىستىق بولدى، سوندىقتان ءبىز اعاشتارعا سۋ قۇيايىق دەپ شەشتىك. ءبىز جاسىل القاپتاردى سۋارۋ بويىنشا چەللەندجدى باستادىق جانە ەستافەتانى ارىپتەسىمىز - سەيىتقازى بەيسەنعازى ۇلى ماتايەۆتىڭ جەتەكشىلىگىندەگى جۋرناليستەر وداعىنا بەرەمىز»، - دەدى «الاتاۋ اقپارات» مەدياحولدينگىنىڭ باس ديرەكتورى تولەمىس كۇلمۇحامەدوۆ.
«الماتى اقشامى» اعاشتاردى سۋارۋ بويىنشا چەللەندجدى «قازاق ءۇنى» گازەتىنە، «ۆەچەرنيي الماتى» «نوۆوە پوكولەنيە» گازەتىنە ۇسىندى.
«بىلتىر كۇزدە اعاش وتىرعىزۋ ناۋقانى باستالعان كەزدە «الماتى اقشامى» گازەتىنىڭ رەداكسياسى اباي داڭعىلىنىڭ بويىنداعى مىنا اعاشتاردى وتىرعىزعان بولاتىنبىز. بيىل مىنا اپتاپ ىستىققا بايلانىستى اعاشتاردىڭ كوبىسى قۋراپ كەتۋدىڭ الدىندا تۇر. سوندىقتان ارنايى چەللەندج ۇيىمداستىرىپ، اعاشتارعا سۋ قۇيىپ، كۇتىپ-باپتاۋ جۇمىستارىن قولعا الدىق. چەللەندجىمىزدى جالعاستىرۋدى «قازاق ءۇنى» گازەتىنە تابىستايمىز. «قازاق ءۇنى» گازەتى ونى قولداپ، ءارى قاراي جالعاستىرادى دەگەن سەنىمدەمىز»، - دەدى «الماتى اقشامى» گازەتى باس رەداكتورىنىڭ ورىنباسارى انۋاربەك يسلامحان ۇلى.
ءبىز تۋعان قالامىزداعى جاسىل اعاشتاردىڭ تاعدىرىنا بەي-جاي قارامايتىنداردىڭ بارلىعىن ءبىزدىڭ چەللەندجگە قوسىلۋعا شاقىرامىز. ول ءۇشىن اۋلاڭىزداعى، كوشەلەردەگى، جۇمىس نەمەسە وقۋ ورىندارىنداعى اعاشتارعا نازار اۋدارساڭىز جەتكىلىكتى. ءقازىر ول اعاشتارعا بۇرىنعىدان دا كوبىرەك كۇتىم قاجەت.