وزبەكستاندا ەپيدەميولوگيالىق جاعداي تۇزەلە باستادى
وزبەكستاندا كوروناۆيرۋس بويىنشا ەپيدەميولوگيالىق احۋال جاقسارىپ كەلەدى، دەپ حابارلايدى Almaty-akshamy.kz
وزبەكستاننىڭ دەنساۋلىق ساقتاۋ مينيسترلىگىنىڭ دەرەگىنە ساي، 20 جەلتوقسان كۇنى 124 ادامنان ۆيرۋس انىقتالعان، بۇل – ماۋسىمنان بەرگى ەڭ تومەن كورسەتكىش.
ول كەزدە ەلدە پاندەميانىڭ كەزەكتى تولقىنى باستالعان بولاتىن. ماۋسىم-تامىز ايلارىندا تاۋلىگىنە 800-1000 ادام ۆيرۋس جۇقتىرعانىن ايتا كەتۋ كەرەك.
قىركۇيەك-قازان ايلارىندا احۋال جاقساردى، ول كەزدە تاۋلىگىنە 400-گە دەيىن جۇقتىرۋ جاعدايى انىقتالعان ەدى.
«كوروناۆيرۋستان ەمدەلىپ شىققاندار قاتارى 194 212 نەمەسە 98%-عا جەتتى. قازىرگى كەزدە 1 715 ادام ەم قابىلداپ جاتىر»، - دەپ حابارلادى مينيسترلىكتەن.