قاماۋعا مۇحتار بازاربايەۆ الىندى.
«Alan Parking» ج ش س ء-نىڭ ديرەكتورى مۇحتار بازاربايەۆ ەكى ايعا قاماۋعا الىندى. بۇل تۋرالى الماتى سوتىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءتيىستى قاۋلىسىمەن سوتقا دەيىنگى تەرگەۋ ورگانىنىڭ ءوتىشى قاناعاتتاندىرىلدى. كۇدىكتىگە 2 اي مەرزىمىنە قاماۋدا ۇستاۋ بۇلتارتپاۋ شاراسى سانكسيالاندى»،- دەپ حابارلادى الماتى سوتىنىڭ باسپا ءسوز قىزمەتى.
بۇعان دەيىن قايرات بورانبايەۆ ۇستالعان بولاتىن. قارجىلىق مونيتورينگ اگەنتتىگى كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسى بويىنشا قىلمىستىق ءىستى تەرگەپ جاتىر. كۇدىككە ىلىنگەن ق.س. بورانبايەۆ ۋاقىتشا ۇستاۋ يزولياتورىنا قامالدى.
ايتا كەتەيىك، 2016 جىلى الماتىدا اۆتوماتتاندىرىلعان اقىلى كولىك قوياتىن تۇراق جۇيەسى ىسكە قوسىلدى. اتالعان قىزمەتتىڭ ەكى ءتۇرى بار: كولىكتى كوشە بويىنا قويۋ جانە تۇراق الاڭدارى. بارلىعى ءبىر وپەراتورعا تيەسىلى. ول – Alan Parking ج ش س. وعان 12 مىڭ تۇراق قارايدى. اۆتوتۇراقتىڭ باسىم بولىگى ورتالىق كوشەلەردە ورنالاسقان. اقىلى تۇراقتىڭ باعاسى ساعاتىنا 100 تەڭگە تۇرادى. ءۇش ءتۇرلى تولەم جۇيەسى ارقىلى ەسەپتەسۋگە بولادى. ول پاركومات، كيۆي-اميان جانە سمس جولداۋ ارقىلى.