نوتاريۋستار مەن سوت ورىنداۋشىلارىنىڭ ۇستىنەن 40 مىڭنان استام شاعىم تۇسكەن.
الاياقتىق ارەكەتتەرمەن كۇرەسۋ ماقساتىندا ادىلەت مينيسترلىگى 1414-تەن سمس جانە EGov-mobile push-حابارلامالار ارقىلى ازاماتتاردى حاباردار ەتۋ بويىنشا پيلوتتىق جوبانى ىسكە قوستى، دەپ حابارلايدى Almaty-akshamy.kz
بۇرىن نوتاريۋستار مەن سوت ورىنداۋشىلارى ازاماتتاردى تاپسىرىس حات ارقىلى حاباردار ەتسە، ەندى ولار ەلەكتروندىق حابارلامالاردى سەنىمدى بايلانىس ارنالارى ارقىلى جىبەرەدى.
ۆەدومستۆو وكىلدەرىنىڭ مالىمەتىنشە، وتكەن جىلى ادىلەت ورگاندارىنا نوتاريۋستار مەن سوت ورىنداۋشىلارىنىڭ ارەكەتتەرىنە قاتىستى 40 مىڭنان استام شاعىم تۇسكەن. كوپتەگەن شاعىمدانۋشىلار نوتاريۋستاردىڭ اتقارۋشىلىق جازبالاردى شىعارعانى تۋرالى بىلمەگەنىن، تەك قانداي دا ءبىر تىيىمدار مەن شەكتەۋلەر سالىنعاننان كەيىن عانا بىلگەنىن حابارلادى.
«ەندى ازاماتتارعا اتقارۋشىلىق ءىس تۋرالى جانە نوتاريۋس نەمەسە سوت ورىنداۋشىسى تۋرالى ەگجەي-تەگجەيلى اقپاراتتار 1414-تەن سمس-حابارلامالار جانە EGov-mobile-دان push-حابارلامالار ارقىلى ۋاقتىلى كەلىپ وتىرادى»،-دەلىنگەن مينيسترلىك حابارلاماسىندا.