قازاقستاندىقتاردىڭ ەلەكتروندىق پوشتاسىنا «قازپوشتا» اتىنان حاتتار كەلىپ تۇسۋدە. وندا «قويمادا سالەمدەمە جاتىر، ءبىراق «مەكەن جاي جازىلماعاندىقتان نەمەسە تولىق بولماعاندىقتان ونى جەتكىزۋ مۇمكىن ەمەس» دەلىنگەن. Stopfake.kz سايتى بۇل اقپاراتتىڭ وتىرىك ەكەنىن مالىمدەيدى، دەپ حابارلايدى aqshamnews.kz.
«قازپوشتا» باسپا ءسوز قىزمەتى ءوزىنىڭ Instagram-داعى رەسمي پاراقشاسىندا الاياقتار تۋرالى ەسكەرتەدى.
«سوڭعى كەزدەرى قازاقستاندىقتار «قازپوشتا» اتىنان كەزدەيسوق ەلەكتروندىق پوشتا مەكەن جايلارىنان كەلگەن كۇماندى SMS-حابارلامالار الۋدا. وندا «مەكەن جايداعى دۇرىس كورسەتىلمەگەن، سالەمدەمەڭىز 24 ساعاتتان كەيىن قايتارىلادى» دەگەن مازمۇنداعى ماتىندەر جازىلىپ، كۇماندى سىلتەمەلەر جىبەرىلەدى.
بۇل – الاياقتىق جولەن تاراتىلعان حابارلامالار»، – دەلىنگەن «قازموشتا» حابارلاماسىندا.
ق ر ۇلتتىق پوشتا بايلانىس وپەراتورى ەشقاشان مەكەن جايدى ءۇشىنشى تاراپ سىلتەمەلەرى ارقىلى راستاۋدى تالاپ ەتپەيدى.
«مۇنداي حابارلامالاردا كورسەتىلگەن سايتتار «قازپوشتاعا» تيەسىلى ەمەس. كۇماندى سىلتەمەلەرگە وتپەڭىز جانە دەرەكتەرىڭىزدى ەنگىزبەڭىز. ەگەر وسىنداي حابارلاما الساڭىز، دەرەۋ ءوشىرىپ، ەشقانداي ارەكەت جاساماڭىز»، – دەيدى «قازپوشتا» وكىلدەرى.
قوسىمشا اقپارات الۋ ءۇشىن 1499 ءنومىرى بويىنشا «قازپوشتانىڭ» رەسمي بايلانىس ورتالىعىنا حابارلاسۋعا بولادى.