تەلەفون ارقىلى الاياقتىق جاساۋ فاكتىلەرى كوبەيۋدە
قىركۇيەك ايىنىڭ سوڭىنا دەيىن بايلانىس وپەراتورلارى الاياقتار قوڭىراۋ شالاتىن جالعان تەلەفون نومىرلەرىن انىقتاپ، بۇعاتتايتىن بولادى، دەپ حابارلايدى Almaty-akshamy.kz.
بۇل تۋرالى ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين الەۋمەتتىك جەلىدە جازدى.
ول بۇگىن، 2022 جىلدىڭ 4 تامىزىندا ق ر ىشكى ىستەر ءمينيسترى مارات احمەتجانوۆپەن بىرلەسە وتكەن كەڭەستە ينتەرنەت-الاياقتىققا قارسى ءىس-قيمىل ماسەلەلەرى تالقىلانعانىن جەتكىزدى.
وكىنىشكە وراي، ەلىمىزدە ينتەرنەت پەن تەلەفون ارقىلى الاياقتىق جاساۋ فاكتىلەرى كوبەيۋدە. ماسەلەن، 2016 جىلى - 1 مىڭ جاعداي تىركەلگەن بولسا، 2021 جىلى - 21 مىڭعا دەيىن وسكەن.
«ءبىز قازىرگى ۋاقىتتا بايلانىس وپەراتورلارىمەن بىرگە وسى ماسەلەگە قاتىستى بىرلەسكەن ءىس-شارالاردى جۇزەگە اسىرۋدامىز. بۇگىنگى تاڭدا الاياقتارمەن كۇرەسۋدىڭ ءتيىمدى ادىستەرىنىڭ ءبىرى- جالعان نومىرلەردى بۇعاتتاۋ. قىركۇيەك ايىنىڭ سوڭىنا دەيىن بايلانىس وپەراتورلارى الاياقتار قوڭىراۋ شالاتىن جالعان تەلەفون نومىرلەرىن انىقتاپ، بۇعاتتايتىن بولادى»،-دەپ جازدى مۋسين.
سيفرلىق دامۋ مينيسترلىگى ازاماتتاردىڭ قاۋىپسىزدىگىن ەسكەرە وتىرىپ، ۇيالى نومىرلەردى تىركەۋ كەزىندە بيومەتريالىق سايكەستەندىرۋ جۇيەسىن ەنگىزۋدى قاراستىرۋدا. وسىلايشا، ءبىز تەلەفون نومىرلەرىنىڭ بوتەن ادامدارعا تىركەلۋ جاعدايلارىنىڭ الدىن العىمىز كەلەدى.
سونداي-اق، ءبىز ينتەرنەت-الاياقتىققا قارسى ءاقپاراتتىق-تۇسىندىرۋ باعىتىندا بانكتەرمەن تىعىز ارەكەت جاساۋدى ۇسىنامىز، ويتكەنى الاياقتىق فاكتىلەردىڭ ورىن الۋى كوپ جاعدايدا بانك وپەراسيالارىمەن تىكەلەي بايلانىستى. بانك قىزمەتكەرلەرى تۇرعىندارعا حابارلاسقان ۋاقىتتا، ونىڭ شىنىمەندە بانكتەن حابارلاسىپ تۇرعانىنا كوز جەتكىزۋ ءۇشىن SMS-حابارلامالار ارقىلى سايكەستەندىرۋ جۇيەسىن ەنگىزۋگە بولادى.
كەزدەسۋ بارىسىندا قوعامدىق كەڭەس مۇشەلەرى ينتەرنەت الاياقتىعى ماسەلەسىن شەشۋ تۇرعىسىندا ءوز ۇسىنىستارىن ورتاعا سالدى. مىسالى، الاياقتارعا جانە ولاردىڭ ايلا-امالدارىنا قاتىستى بارلىق مالىمەتتەر ەنگىزىلەتىن ارنايى پلاتفورما قۇرۋ تۋرالى دا ايتىلدى.
«ءبىز ۇسىنعان باستامالار پروبلەمانى تۇبەگەيلى جويمايتىنىن اتاپ وتكىم كەلەدى، بۇل - ماسەلەنى شەشۋدىڭ ءبىر عانا بولىگى. سوندىقتان تەحنولوگيالىق تۇرعىدان باسقا، ارنايى جوبالار ارقىلى حالىقتىڭ قارجىلىق جانە زاڭدىق ساۋاتتىلىعىن ارتتىرۋ باعىتىندا جۇمىستاردى كۇشەيتۋىمىز قاجەت. ينتەرنەت الاياقتىق ماسەلەسىن ءتيىمدى شەشۋ باعىتىندا كوپتەگەن يدەيالار مەن تىڭ ۇسىنىستار ايتىلدى. ەندى ولاردىڭ بارلىعىن بىرلەسە ىسكە اسىرۋمىز قاجەت»،-دەدى مينيستر.