كۇدىكتى 10 جىلعا سوتتالۋى مۇمكىن
قىزىلوردادا ازاماتتارعا جالعان اۆتوكولىك نەسيەلەرىن راسىمدەپ بەرۋمەن اينالىسقان ادام ۇستالدى، دەپ حابارلايدى اlmaty-akshamy.kz.
«30 قاڭتار كۇنى باس پروكۋراتۋرانىڭ ۇيلەستىرۋىمەن قىزىلوردا قالاسىندا اسا ءىرى كولەمدە الاياقتىق قىلمىس بويىنشا كۇدىكتى ر.ق.قارجاۋوۆ ۇستالدى. ءىستى تەرگەۋ بارىسىندا ونىڭ 2021-2022 جىلدارى ادامدار توبىمەن ازاماتتارعا جالعان اۆتوكولىك نەسيەلەرىن راسىمدەگەندىگى انىقتالعان»، - دەپ جازىلعان ۆەدومستۆو حابارلاماسىندا.
الياقتىق ارەكەتتەن 235 ادام زارداپ شەگىپ، ولارعا كەلتىرىلگەن زالال 2،9 ملرد تەڭگەنى قۇراعان.
تەرگەۋ بارىسىندا قارجاۋوۆ تەرگەۋدەن جالتارىپ، ىزدەۋگە جاريالانعان.
ق ر باس پروكۋراتۋراسىنىڭ حابارلاۋىنشا، قارجاۋوۆ قازىرگى ۋاقىتتا قىزىلوردا قالاسىنداعى تەرگەۋ يزولياتورىنا قامالعان. وعان تاعىلعان قىلمىستى جاساعانى ءۇشىن مۇلكى تاركىلەنىپ، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، ون جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان.