4–5 قازاندا رەسپۋبليكا سارايىنىڭ الدىنداعى اباي الاڭىندا الماتى تۋريزم باسقارماسىنىڭ قولداۋىمەن حالىقارالىق ALA CRAFT 2025 قولونەر فەستيۆالى وتەدى.
ءىس-شاراعا قازاقستاننان جانە شەتەلدەن كەلگەن 100-دەن استام شەبەر قاتىسىپ، ءداستۇرلى جانە زاماناۋي قولونەر تۋىندىلارىنىڭ ۇزدىك ۇلگىلەرىن ۇسىنادى، دەپ حابارلايدى Aqshamnews.kz.
قوناقتاردى اۆتورلىق بۇيىمدار جارمەڭكەسى، اشىق شەبەرلىك دارىستەرى جانە «شەبەر» رەسپۋبليكالىق بايقاۋىنىڭ ۇزدىك جۇمىستارىنىڭ كورمەسى كۇتەدى. بايقاۋدىڭ جۇلدە قورى سەرىكتەس Chevron كومپانياسىنىڭ قولداۋىمەن قامتاماسىز ەتىلگەن. جەڭىمپازدار شەتەلدە ءبىلىم الىپ، باسقا ەلدەردىڭ ارىپتەستەرىمەن تاجىريبە الماسۋعا مۇمكىندىك الادى.
فەستيۆالدىڭ باستى وقيعالارىنىڭ ءبىرى – الماتىعا دۇنيەجۇزىلىك قولونەرشىلەر كەڭەسىنىڭ (World Craft Council) شەشىمىمەن «الەمدىك قولونەرشىلەر قالاسى» مارتەبەسىنىڭ رەسمي تۇردە بەرىلۋى. بۇل قالانىڭ باي قولونەر ءداستۇرى مەن ءوڭىردىڭ كرەاتيۆتى ەكونوميكاسىن دامىتۋعا قوسقان ۇلەسىنىڭ حالىقارالىق دەڭگەيدە مويىندالۋى.
زەرگەرلەر سەرىكقالي كوكەنوۆ، سەرىك رىسپەكوۆ، سەرجان باشيروۆ، مۋزىكالىق اسپاپ شەبەرى جولاۋشى تۇردىعۇلوۆ، سونداي-اق ەتنو-ديزاينەرلەر ايجان بەكقۇلوۆا، تىلەك سۇلتان، اۋەس ساعىنايەۆا جانە ايدارحان قالييەۆ جەتەكشىلىك ەتەتىن Aspara برەندى سىندى بەلگىلى قازاقستاندىق شەبەرلەر بۇيىمدارىن تانىستىرادى.
شەتەلدىك قوناقتاردىڭ قاتارىندا WCC ازيا-تىنىق مۇحيتى ايماعىنىڭ پرەزيدەنتى دجۋد ۆان دەر مەرۆە (اۆستراليا)، ۆيسە-پرەزيدەنت لەيلا ۋولتەر (جاڭا زەلانديا)، كەڭەسشى ازيز مۋرتازايەۆ (وزبەكستان)، سونداي-اق Smithsonian Center for Folklife and Cultural Heritage (اقش) دەلەگاسياسى بار.