بۇل كونستيتۋسيانىڭ 52-بابى 5-تارماعىنىڭ جاڭا رەداكسياسىندا ايقىندالعان.
بۇل تۋرالى AMANAT پارتياسىنان قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىمەن كەزدەسۋدە ۋنيۆەرسيتەت رەكتورى جانسەيىت تۇيمەبايەۆ مالىمدەدى، دەپ حابارلايدى Almaty-akshamy.kz
«ەلىمىزدىڭ كونستيتۋسياسىنا ۇسىنىلاتىن تۇزەتۋلەر ەل ءۇشىن ەرەكشە ماڭىزعا يە جانە بۇل رەتتە عىلىمي قوعامداستىق شەتتە قالماۋى ءتيىس. ءبىزدىڭ ەلىمىزدىڭ بولاشاعى ءارقايسىمىزعا بايلانىستى! سوندىقتان ءبىز ازاماتتىق ۇستانىمىمىزدى كورسەتۋگە دايىنبىز»، - دەدى ۋنيۆەرسيتەت رەكتورى ءوز سوزىندە.
ماجىلىسمەندەر ايگۇل قۇسپان، ايدوس سارىم، جۇلدىز سۇلەيمەنوۆا جانە پارتيانىڭ قالالىق شتابىنىڭ جەتەكشىسى مەيىرجان وتىنشييەۆ ەلىمىزدىڭ باس ۋنيۆەرسيتەتىندە كەزدەسۋدى ۇيىمداستىرىپ، وتكىزگەنى ءۇشىن ۋنيۆەرسيتەت باسشىلىعىنا العىستارىن ءبىلدىردى. ەنگىزىلگەن تۇزەتۋلەردى تالقىلاي وتىرىپ، كەزدەسۋگە قاتىسۋشىلار ءماجىلىس سايلاۋىندا ارالاس سايلاۋ جۇيەسىن ەنگىزۋدى قولدادى. سونىمەن قاتار، ءبىر مانداتتى اۋماقتىق سايلاۋ وكرۋگى بويىنشا سايلانعان ءماجىلىس دەپۋتاتتارىنىڭ مانداتىن كەرى قايتارىپ الۋ مۇمكىندىگى پايدا بولادى.