كورمەنى تاماشالاۋ تەگىن.
الماتى قالاسى مادەنيەت باسقارماسىنىڭ «الماتى اۋەندەرى» مەملەكەتتىك كاسىپورنىنا قاراستى الماتى گالەرەياسى حەلەنا يوكتون مەن ماريا سوروكوۆسكايانىڭ اكۆارەل جۇمىستارىنىڭ كورمەسىن ۇسىنادى، دەپ حابارلايدى Almaty-akshamy.kz
كورمەدە ەلەنا يوكتوننىڭ 42 اكۆارەل بوياۋلى تۋىندىسى مەن ماريا سوروكوۆسكايانىڭ 34 جۇمىسى بار.
«اكۆارەلدەر ءومىر سەكىلدى» دەپ اتالعان كورمە بۇگىن ساعات 17:00-دە اشىلادى. كورمەنى 3 ناۋرىزدان 15 ناۋرىزعا دەيىن تاماشالاۋعا بولادى.
الماتى گالەرەياسىنىڭ جۇمىس ۋاقىتى:
سەيسەنبى - جەكسەنبى 11:00-دەن 19:00-گە دەيىن.
دۇيسەنبى - دەمالىس كۇنى
مەكەنجايى: الماتى قالاسى، دوستىق داڭعىلى، 44، شيەۆچەنكو كوشەسىنىڭ قيىلىسىندا.
كورمەنىڭ كۋراتورى: ونەرتانۋ كانديداتى باتۋرينا ولگا ۆلاديميروۆنا.
الماتى گالەرەياسىنىڭ كورمە زالىندا قويىلعان ەلەنا يوكتون مەن ماريا سوروكوۆسكايانىڭ جۇمىستارى ەڭ كۇردەلى كەسكىندەمە تەحنيكاسى – اكۆارەلدە جاسالعان. اكۆارەل سۋرەتشىدەن دالدىكتى، ناقتىلىق پەن سەزىمتالدىقتى تالاپ ەتەدى: مۇندا تەك قانا شابىت شەبەردىڭ قولىن قوزعايدى، ەشتەڭەنى ءوشىرىپ قايتا سالاتىن مۇمكىندىك بولمايدى. كەلۋشىلەر نازارىنا ۇسىنىلعان كورمەدە ەلەنا يوكتوننىڭ 42 اكۆارەل بوياۋى مەن ماريا سوروكوۆسكايانىڭ 34 جۇمىسى بار.
ەلەنا يوكتون مەن ماريا سوروكوۆسكايا پەيزاج، پورترەت، ناتيۋرمورت جانە دەرەكسىز كومپوزيسيالار سياقتى كوپتەگەن جانردا جۇمىس ىستەيدى. كەيدە بۇل تابيعاتتىڭ ءتىرى بەينەسى، ەموسيونالدى ەسكيزدەر بولسا، كەيدە ولار ەركىندىك پەن تاۋلاردىڭ ۇلىلىعىن سەزىمىنە تولى پانورامالىق پەيزاجدار ارقىلى سۋرەتتەيدى. ەكى اۆتور دا پورترەتتەرگە ەرەكشە ءمان بەرەدى، ولاردىڭ تۋىندىلارى جاندى بەينەلەر سىندى سەزىمگە تولى. ادام بەينەسى – جەكە تۇلعانىڭ قۇندىلىعى مەن قايتالانباس ەرەكشەلىگى تۋرالى تۇسىنىگىن جوعالتىپ العان قازىرگى جاھاندىق الەمدە سيرەك كەزدەسەتىن ونەردىڭ ەڭ ماڭىزدى تاقىرىبى. ەلەنا يوكتون مەن ماريا سوروكوۆسكايا وزدەرىنىڭ اكۆارەلدەرىندە ادامنىڭ جان دۇنيەسىنە دەگەن قىزىعۋشىلىقتى وياتادى.
يوكتون ەلەنا مەن ماريا سوروكوۆسكايا قازاقستان رەسپۋبليكاسى سۋرەتشىلەر وداعىنىڭ مۇشەسى، اكۆارەل بوياۋى بويىنشا كوپتەگەن حالىقارالىق جانە رەسپۋبليكالىق كورمەلەردىڭ (ءۇندىستان، رەسەي، رۋمىنيا، ۆەتنام، مالايزيا، كانادا، فرانسيا، يتاليا، يسپانيا، بولگاريا، تۇركيا، چەحيا، يندونەزيا جانە ت.ب.) قاتىسۋشىلارى. 2018 جىلدان باستاپ يوكتون ەلەنا ۋربينو جانە فابريانو (يتاليا) قالالارىندا وتكەن اكۆارەل فەستيۆالىندە قازاقستاننان جەتەكشى-ۇيلەستىرۋشى بولدى. ماريا سوروكوۆسكايا - IMWA 2ء-شى امبەباپ اكۆارەل ەكسپوزيسياسىنىڭ (2020) قاتىسۋشىسى، ونىڭ «تۋىلۋ» اتتى تۋىندىسى الەمدەگى 100 ۇزدىك اكۆارەلدىڭ تىزىمىنە ەنگەن.