قازاقستانداعى ەڭ ۇزدىك اۋىل اكىمى كىم؟
بايقاۋعا جۇزگە جۋىق اۋىلدىق وكرۋگتىڭ اكىمى قاتىسقان، دەپ حابارلايدى Almaty-akshamy.kz
بايقاۋ قورىتىندىسى بويىنشا «ۇزدىك اۋىل اكىمى» اتاعى تۇركىستان وبلىسى، شاردارا اۋدانى، جاۋشىقۇم اۋىلدىق وكرۋگىنىڭ اكىمى نۇرباقىت نۇرسەيىتوۆكە بەرىلدى.
ق ر مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقبايەۆ «ۇزدىك اۋىل اكىمى» رەسپۋبليكالىق بايقاۋىنىڭ جەڭىمپازدارىمەن كەزدەستى.
ەكىنشى ورىندى پاۆلودار وبلىسى، ۋسپەن اۋدانى، نوۆوپوكروۆسكيي اۋىلدىق وكرۋگىنىڭ اكىمى ۆياچەسلاۆ سيمونەنكو، ءۇشىنشى ورىندى اقتوبە وبلىسى، شالقار اۋدانى، ايشۋاق اۋىلدىق وكرۋگىنىڭ اكىمى ورالبەك ءابشانوۆ يەلەندى.
ءتۇرلى نوميناسيالاردىڭ اراسىندا شىعىس قازاقستان وبلىسى، ۇلان اۋدانى، ابلاكەت اۋىلدىق وكرۋگىنىڭ اكىمى ارىسلان اعلانبەكوۆ «ۇزدىك شارۋا اكىمى»، قاراعاندى وبلىسى، نۇرا اۋدانى، بارشىن اۋىلدىق وكرۋگىنىڭ اكىمى گۇلميرا دوبروميروۆا «ۇزدىك الەۋمەتتىك جوبا» اتالىمدارىن يەلەندى.
«بايقاۋعا ەلىمىزدىڭ تۇكپىر-تۇكپىرىنەن جۇزگە جۋىق اۋىلدىق وكرۋگ اكىمدەرى قاتىسۋعا ءوتىنىم بەردى. ەڭ بەلسەندىلىك تانىتقاندار: قوستاناي وبلىسىنىڭ اكىمدەرى – 14، سولتۇستىك قازاقستان – 12، جامبىل وبلىسىنىڭ – 12. بايقاۋ ەكى كەزەڭدە - وبلىستىق جانە رەسپۋبليكالىق دەڭگەيدە ءوتتى»، - دەلىنگەن مەملەكەتتىك قىزمەت ىستەرى اگەنتتىگىنىڭ باسپا ءسوز قىزمەتى تاراتقان اقپاراتتا.
اگەنتتىك اتاپ وتكەندەي، وڭىرلىك كەزەڭگە قاتىسۋشىلار اۋىلدىق جەرلەردە تۇرعىنداردىڭ ءومىر سۇرۋىنە جايلى جاعداي جاساۋعا باعىتتالعان جوبالارىن قورعاپ، كۇتىلەتىن ەكونوميكالىق جانە الەۋمەتتىك تيىمدىلىكپەن اۋىلداردى تۇراقتى دامىتۋ بويىنشا ۇسىنىستار جاسادى. ەكىنشى كەزەڭدە اۋىل اكىمدەرىنىڭ پروبلەمالىق جاعدايلاردا پراكتيكالىق ماسەلەلەردى شەشۋ قابىلەتى سيتۋاسيالىق كەيستەر ارقىلى باعالاندى.