القا وتىرىسىندا سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اسحات جۇماعالي وڭىرلەردە جۇرگىزىلىپ جاتقان جەمقورلىققا قارسى جۇمىستىڭ ماڭىزدىلىعىن اتاپ ءوتتى، دەپ حابارلايدى اlmaty-akshamy.kz.
اۋماقتىق باسشىلار قالالار مەن اۋدانداردىڭ ومىرىندە، تۇرعىنداردىڭ ءال-اۋقاتىن ارتتىرۋدا شەشۋشى ءرول اتقارادى، سونداي-اق بيۋدجەت قاراجاتىن ءبولۋدى انىقتايدى. ولار جەرگىلىكتى جەرلەردە مەملەكەتتىك بيلىكتىڭ وكىلدەرى بولىپ تابىلادى جانە ولاردىڭ تاراپىنان كەز-كەلگەن پايدا كۇنەمدىك كورىنىستەرى ەلدەگى جەمقورلىقتىڭ جاي-كۇيى تۋرالى حالىقتىڭ باعالاۋىن قالىپتاستىرادى. وسىعان بايلانىستى سىبايلاس جەمقورلىققا قارسى قىزمەت جەرگىلىكتى اتقارۋشى ورگاندار اراسىنداعى جەمقورلىققا قارسى ءىس-قيمىلعا ەرەكشە نازار اۋدارادى. اعىمداعى جىلى اكىمدىك قىزمەتكەرلەرىنە قاتىستى 203 قىلمىس تىركەلدى، ولار بويىنشا 144 ادام اشكەرەلەندى.
ماسەلەن، الماتى قالاسى بويىنشا سىبايلاس جەمقورلىققا قارسى قىزمەت مادەنيەت باسقارماسى باسشىسىنىڭ ورىنباسارىنا قاتىستى تەرگەۋدى اياقتادى. ول قىزمەتتىك وكىلەتتىكتەرىن اسىرا پايدالانۋ، بيۋدجەت قاراجاتىن جىمقىرىپ جانە كاسىپكەرلىك قىزمەتكە زاڭسىز قاتىسقانى ءۇشىن كۇدىكتەلۋدە. ونىڭ قىلمىستىق ارەكەتتەرىنىڭ ناتيجەسىندە مەملەكەتكە 125 ملن تەڭگەدەن استام سوماعا ماتەريالدىق زالال كەلتىرىلدى. كۇدىكتى سوتقا تارتىلدى.
قىزىلوردا وبلىسى بويىنشا سىبايلاس جەمقورلىققا قارسى قىزمەت وبلىستىق كاسىپكەرلىك جانە ونەركاسىپ باسقارماسىنىڭ باسشىسىنا قاتىستى سوتقا دەيىنگى تەرگەۋدى اياقتادى.
ول ۇلىنىڭ وقۋىنا اقى تولەۋ قاجەتتىلىگى جانە ديزەلدى وتىنمەن قامتاماسىز ەتۋ تۋرالى بيزنەس وكىلدەرىنە زاڭسىز نۇسقاۋلار بەرۋ ارقىلى لاۋازىمدىق وكىلەتتىكتەرىن اسىرا پايدالانعانى ءۇشىن كۇدىكتى. سونىمەن قاتار، شەنەۋنىك ءوڭىر كاسىپورىندارىنىڭ سۇيىتىلعان گازدىڭ ءتيىستى كولەمىن الۋ قۇقىعىن شەكتەۋ ارقىلى زاڭدى كاسىپكەرلىك قىزمەتكە كەدەرگى كەلتىردى دەپ كۇدىكتەلۋدە. سوتتىڭ سانكسياسىمەن كۇدىكتى قاماۋعا الىندى. قازىرگى ۋاقىتتا ءىس پروكۋرورعا جىبەرىلدى.
ايتا كەتۋ كەرەك، انتيكور جەمقورلىق ارەكەتتەرىنە تاپ بولعان ازاماتتارعا ۇندەۋ جاسادى. ەگەر ءسىز جەمقورلىق فاكتىلەرىنە تاپ بولساڭىز، @antikorkz_bot Telegram-بوتى نەمەسە 1424 ءنومىرى ارقىلى شۇعىل حابارلاڭىز.