وقيعا 24 ناۋرىزدا بولعان
جامبىل وبلىسى مەركى اۋدانى ويتىل اۋىلدىق وكرۋگىنىڭ اكىمىن پىشاقتاپ كەتتى، دەپ حابارلايدى Almaty-akshamy.kz وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
وقيعا 24 ناۋرىزدا بولعان. بەلگىسىز ەر ادام اكىمدى جۇمىس ورنىندا پىشاقتاعان. اكىم اۋرۋحاناعا جاتقىزىلدى.
«اۋداندىق پوليسيا قىزمەتكەرلەرى 42 جاستاعى جەرگىلىكتى تۇرعىندى ۇستادى. مەديسينالىق ساراپتاما ناتيجەسىندە ۇستالعان ازاماتتىڭ الكوگولدىك جانە ەسىرتكىلىك ماس كۇيدە بولعانى انىقتالدى. «دەنساۋلىققا قاساقانا اۋىر زيان كەلتىرۋ» بابىمەن سوتقا دەيىنگى تەرگەۋ باستالدى»، - دەلىنگەن حابارلامادا.
كۇدىكتىنىڭ 2013 جىلعا دەيىن جامبىل وبلىستىق پسيحيكالىق دەنساۋلىق ورتالىعىندا «شيزوفرەنيا» دياگنوزىمەن ەسەپتە تۇرعانى بەلگىلى بولدى. ول ۋاقىتشا ۇستاۋ يزولياتورىنا قامالدى.