قازىرگى كەزدە سايلاۋشىلار ءتىزىمى ناقتىلانىپ جاتىر.
ساناۋلى كۇندەردەن كەيىن قازاقستاندا اۋىل اكىمدەرىنىڭ سايلاۋى وتەدى. ۇيىمداستىرۋشىلار سايلاۋ بارىسىندا سانيتارلىق-ەپيدەميولوگيالىق تالاپتار ورىندالاتىنىن ايتادى، دەپ حابارلايدى Almaty-akshamy.kz.
قازاقپارات اگەنتتىگىنىڭ حابارلاۋىنشا، سايلاۋ ۋچاسكەلەرىندە Ashyq جۇيەسىن پايدالانۋ مۇمكىندىگى قاراستىرىلۋدا. سونىمەن قاتار، بارلىق سايلاۋ ۋچاسكەلەرى جەكە قورعانىس قۇرالدارىمەن قامتاماسىز ەتىلەدى: انتيسەپتيكتەر، ءبىر رەت قولدانىلاتىن ماسكالار جانە قولعاپتار. كىرەبەرىستەگى تەمپەراتۋرانى ولشەۋ جانە الەۋمەتتىك قاشىقتىقتى ساقتاۋ مىندەتتى. تاۋەكەلدى ازايتۋ ءۇشىن داۋىس بەرۋ ستەندتەرىنىڭ الدىڭعى پەردەلەرى بولمايدى.
«اۋىل اكىمدەرىنىڭ العاشقى تىكەلەي سايلاۋىنا بىرنەشە كۇن قالدى. ءبىزدىڭ ورتاق جۇمىسىمىز – ولاردىڭ اشىقتىعىن، ايقىندىعى مەن زاڭدىلىعىن قامتاماسىز ەتۋ. ءار داۋىس ماڭىزدى. اۋىل تۇرعىندارى كەلىپ، ءوز تاڭداۋىن جاساپ، وزدەرىنىڭ كونستيتۋسيالىق سايلاۋ قۇقىعىن ىسكە اسىرا الۋى قاجەت»، – دەپ اتاپ ءوتتى قاراعاندى وبلىسىنىڭ اكىمى جەڭىس قاسىمبەك.
رەسمي ستاتيستيكا بويىنشا، قازاقستان حالقىنىڭ 40%-دان استامى اۋىلدىق ەلدى مەكەننىڭ تۇرعىنى رەتىندە تىركەلگەن. ياعني اۋىلدىق اۋماقتاردى باسقارۋدىڭ ءتيىمدى تەتىگىن قالىپتاستىرۋ ىسىنە قازاقستان ازاماتتارىنىڭ 40%-دان استامى اتسالىسپاق.
زاڭ بويىنشا اۋىلدىق اۋماقتاردىڭ 2 346 اكىمى بۇدان بىلاي تىكەلەي سايلاۋ ارقىلى انىقتالۋى ءتيىس. بيىل سونىڭ 775ء-ى ءوز تاعدىرىن ايقىندايدى.