اكادەميك قانىش ساتبايەۆ اتىنداعى كوشە جاڭارتىلاتىن بولدى

اكادەميك قانىش ساتبايەۆ اتىنداعى كوشە جاڭارتىلاتىن بولدى سۋرەت: Mapio.net

قانىش ساتبايەۆ كوشەسىنىڭ جالپى ۇزىندىعى 7 شاقىرىم. سونىڭ جارتىسى، ياعني ورتالىعى كۇردەلى جوندەۋدەن وتەدى.


لۋگانسكيي-بايزاقوۆ كوشەلەرىنىڭ ارالىعىنا جاياۋ جۇرگىنشىلەر جولاعى، سەرۋەندەيتىن الاڭدار، قوعامدىق كەڭىستىكتەر سالىنادى، دەپ حابارلايدى Almaty-akshamy.kz  


الماتى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەتجانوۆتىڭ ايتۋىنشا، مەگوپوليستىڭ ورتالىق كوشەسىندەگى تاريحي جانە مادەني نىسانداردى بايلانىستىراتىن جاياۋ جۇرگىنشىلەر جولى سالىنادى.



«بۇگىنگى كۇنى قالادا جالپى ۇزىندىعى 54 شاقىرىم بولاتىن 110 جاياۋ جۇرگىنشى ايماعى بار. قالا الداعى ۋاقىتتا مەگاپوليستىڭ الەۋەتىن ءتيىمدى پايدالانا وتىرىپ، قالانىڭ ورتالىق بولىگىندە دە، شەتكى اۋداندارىندا دا جاڭا قوعامدىق كەڭىستىكتەر قۇرۋدى جوسپارلاپ وتىر»، - دەدى الماسحان احمەتجانوۆ.



سپيكەر ۇزىندىعى 380 مەتر بولاتىن مۇسىرەپوۆ كوشەسى اباي داڭعىلىنان ساتبايەۆ كوشەسىنە دەيىن قالاي وزگەرەتىنىن مىسالعا كەلتىردى. تۇجىرىمداما بويىنشا جوبا ەكى تاقىرىپتىق بولىمگە بولىنگەن. ءبىرىنشىسى – «ۆرەمەنا گودا» بۋلۆارى – اباي داڭعىلىنان ساتبايەۆ كوشەسىنە دەيىن. ەكىنشىسى – مۇسىرەپوۆ كوشەسىنىڭ بويىمەن ساتبايەۆ كوشەسىنەن تيميريازيەۆ كوشەسىنە دەيىن تۇرعىن ۇيلەردىڭ بويىمەن وتەتىن جانە بوتانيكالىق ب ا ق پەن قازۇۋ اراسىن جالعايتىن جاياۋ جۇرگىنشىلەر بۋلۆارى. سونىمەن قاتار، ول رەسپۋبليكا الاڭى تۋرالى ايتتى.



«قازىرگى تاڭدا رەسپۋبليكا الاڭى اۆتوتۇراق رەتىندە پايدالانىلادى، ونىڭ جانىندا ساۋدا ويىن-ساۋىق ورتالىعى، قوعامدىق ورىن بار. ءبىراق نەگە ادامدار ول جاققا بارمايدى؟ ويتكەنى ينفراقۇرىلىم جوق. سوندىقتان بۇل جەردى جوباعا ەنگىزدىك، مۇنىڭ ءبارى قالاي بولاتىنىن الداعى ۋاقىتتا كورەمىز. تۇراققا كەلەتىن بولساق، ءبىز ونى قالدىرامىز، ءبىراق ونىڭ اۋماعى از بولادى. ءبىز جوبانى كەلەسى جىلعا جوسپارلاپ وتىرمىز. بۇل ءبىزدىڭ ستراتەگيامىز»، - دەدى باسقارما باسشىسى.



قانىش ساتبايەۆ كوشەسىنىڭ جالپى ۇزىندىعى 7 شاقىرىم. سونىڭ جارتىسى، ياعني ورتالىعى كۇردەلى جوندەۋدەن وتەدى. لۋگانسكيي-بايزاقوۆ كوشەلەرىنىڭ ارالىعىنا جاياۋ جۇرگىنشىلەر جولاعى، سەرۋەندەيتىن الاڭدار، قوعامدىق كەڭىستىكتەر سالىنادى. الماتى قالالىق جاسىل ەكونوميكا باسقارماسىنىڭ باسشىسى ناتاليا ليۆينسكايانىڭ ايتۋىنشا، كوشەنىڭ كەي بولىگى التى جولاقتى كەڭ بولسا، ەندى ءبىر بولىگى كولىك كەپتەلىسى پايدا بولاتىن تار جول. سوندىقتان قالا بيلىگى وسى ماسەلەنى دە قاراستىرادى.



«تروتۋارلار كەڭەيتىلىپ، جاسىل جەلەك ەگىلەدى، كەڭ كوشەلەردى تارىلتۋىمىز مۇمكىن. بۇل جاياۋ تۇرعىنداردىڭ قاۋپسىزدىگى ءۇشىن كەرەك. سەيفۋللين مەن بايزاقوۆ كوشەلەرى ارحيتەكتۋرالىق جاعىنان وزگەرەدى. كەپتەلىستى ازايتاتىن نۇسقانى دا قاراستىرىپ جاتىرمىز»،- دەيدى ناتاليا ليۆينسكايا.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

21:04

19:53

18:26

17:58

17:42

17:18

17:07

16:55

16:25

16:23

16:07

15:53

15:45

15:34

15:16

14:30

14:01

13:56

13:18

12:58

12:43

12:39

12:31

12:18

11:50