ەگەر سىزگە قاتە ايىپپۇل سالىنسا (كولىك ەرەجەسىن بۇزۋ، قوعامدىق ورىنداردا تەمەكى شەگۋ جانە ت.ب.)، qamqor.gov.kz سايتى ارقىلى ءوز بەتىڭىزشە شاعىمدانا الاسىز، دەپ حابارلايدى اlmaty-akshamy.kz.
ول ءۇشىن سايتتىڭ باستى بەتىندە «اكىمشىلىك قۇقىق بۇزۋشىلىق تۋرالى شاعىم» قىزمەتىن تاڭداپ، ەسق ارقىلى اۆتوريزاسيادان ءوتۋ كەرەك. ارى قاراي اكىمشىلىك ءىستى ىزدەۋ تەرەزەسى اشىلادى. سودان كەيىن ءىس ءنومىرىن ەنگىزىپ، ىزدەۋ باتىرماسىن باسۋ كەرەك. ەگەر ءنومىر دۇرىس بولماسا، قاتە تۋرالى حابارلاما شىعادى. ءبارى دۇرىس ەنگىزىلسە، تابىلعان ءىس پەن «شاعىمدانۋ» باتىرماسى كورسەتىلەدى. ەكراندا تولتىرۋ قاجەت ساۋالناما پايدا بولادى: شاعىم مازمۇنى، كىناسىز ەكەنىڭىزدىڭ دالەلى جانە ت.ب. سودان كەيىن ەسق ارقىلى قول قويىپ، شاعىمىڭىزدى جىبەرىڭىز.
جول قوزعالىسى ەرەجەسىن بۇزۋ حاتتاماسىن قالاي جۇكتەپ الۋعا بولادى؟
سول سايتتا «ايىپپۇلدار تۋرالى ءبىلۋ» بولىمىنە ءوتىپ → جەكە كابينەتىڭىزگە كىرىپ → ەسق ارقىلى كىرىڭىز → ايىپپۇلىڭىز كورسەتىلەدى → ەكراننىڭ وڭ جاق بۇرىشىنداعى قۇجات بەلگىشەسىن باسىڭىز → پروتوكول: كورۋ جانە جۇكتەپ الۋ.