توتەنشە جاعدايعا بايلانىستى اۋە كەمەسى رەزەرۆتە تۇرعان بورتقا اۋىستىرىلدى
Air Astana جولاۋشىلار ۇشاعىنا نايزاعاي ءتۇسىپ، رەيس كەيىنگە قالدىرىلعان، دەپ حابارلايدs Almaty- akshamy.kz Ulysmedia.kz-كە سىلتەمە جاساپ.
رەسمي مالىمەتكە سايكەس، 8 تامىزدا "الماتى – نۇر-سۇلتان" باعىتىنداعى رەيس كەشكى ساعات 19:45-تە ۇشىپ كەتۋگە دايىندالعان. سول كەزدە ۇشاققا نايزاعاي تۇسكەن.
وعان قوسا، دالادا شاڭدى داۋىل كوتەرىلدى. وسىعان بايلانىستى رەيس 7 ساعات 15 مينۋت شەگەرىلدى. وسى ۋاقىتتىڭ ىشىندە بورتتى اۋىستىرۋ جايلى شەشىم قابىلداندى.
"توتەنشە جاعدايعا بايلانىستى اۋە كەمەسى رەزەرۆتە تۇرعان بورتقا اۋىستىرىلدى. بۇعان دەيىن ونىمەن FlyArystan كس 7058 "الماتى - نۇر-سۋلتان - الماتى" باعىتىندا جولاۋشىلار تاسىمالداعان. نەگىزى، رەيستىڭ ءوزى 3 ساعات 45 مينۋتقا كەيىنگە شەگەرىلدى. ءبىراق الماتىداعى شاڭدى داۋىلدىڭ سالدارىنان ول ۋاقىت ۇزارتىلدى. وعان قوسا، نۇر-سۇلتان اۋەجايى جابىلدى. اۋە كەمەسىن جەتكىزۋگە دە ۋاقىت كەتتى. وسىلايشا، كس 855 رەيسىنىڭ كەشىگۋ ۋاقىتى 7 ساعات 15 مينۋتتى قۇرادى"، - دەلىنگەن رەسمي حابارلامادا.
رەيستى كۇتىپ قالعان جولاۋشىلارعا تاماق پەن سۋسىن تاراتىلدى. ال بيزنەس-كلاسپەن ۇشقاندارعا 100 دوللاردىڭ ۆاۋچەرى بەرىلدى. كەيبىر جولاۋشىلار باسقا رەيستەرگە مىنگىزىلدى.