Air Astana توبى 24 ماۋسىمدا ۇلىبريتانيانىڭ Fairmont Windsor Park-ىندە وتكەن بەدەلدى World Airline Awards 2024 سالتاناتتى راسىمىندە جوعارى ماراپاتتارعا يە بولدى، دەپ حابارلايدى اlmaty-akshamy.kz.
Air Astana اۋەكومپانياسى ون ەكىنشى رەت ورتالىق ازيا مەن تمد-نىڭ ۇزدىك اۋەكومپانياسى دەپ تانىلىپ، سەگىزىنشى رەت«ورتالىق ازيا مەن تمد-دا ۇزدىك بورتتىق قىزمەت كورسەتۋ» ماراپاتىنا يە بولدى. بۇدان باسقا، Air Astana-عا تيەسىلى FlyArystan بيۋدجەتتىك اۋەكومپانياسى ەكىنشى رەت«ورتالىق ازيا مەن تمد-داعى ۇزدىك بيۋدجەتتىك تاسىمالداۋشى» ماراپاتىنا يە بولدى.
Air Astana Group باس اتقارۋشى ديرەكتورى پيتەر فوستەر: "وڭىردەگى ۇزدىك قىزمەتىمىز ءۇشىن تاعى دا جوعارى باعا العانىمىز ۇلكەن مارتەبە. بۇل ماراپاتتار Air Astana مەن FlyArystan-داعى بۇكىل كوماندامىزدىڭ جوعارى ستاندارتتاردى ۇستانۋدا جانە ءاربىر رەيستە ءبىزدىڭ كليەنتتەرىمىزدىڭ قاناعاتتانۋشىلىعىن قامتاماسىز ەتۋدەدەگەن ادالدىقتى كورسەتەدى. وسى بەدەلدى ناگرادالاردى الۋ ءبىزدىڭ قىزمەت كورسەتۋدىڭ بارلىق اسپەكتىلەرىندە كەمەلدەنۋگە مىزعىماس ادالدىعىمىزدى كورسەتەدى».
ماراپات تۋرالى
1999 جىلى قۇرىلعان World Airline Awards سىيلىعى تاۋەلسىز جانە بەيتاراپ بولىپ تابىلادى، كليەنتتەردىڭ قاناعاتتانۋشىلىعىن جاھاندىق زەرتتەۋدى قامتاماسىز ەتەدى. «اۆياسيا ونەركاسىبىنىڭ وسكارى» دەپ اتالاتىن Skytrax الەم بويىنشا ساياحاتشىلاردىڭ ساپاردان قاناعاتتانۋشىلىعىن ساۋالناما ارقىلى اڭىقتايدى. Skytrax ساۋالناما مەن سالتاناتتى ءراسىمنىڭ بارلىق شىعىنىن وتەيدى، اۋەكومپانيالار ءۇشىن تىركەۋ جارناسى مەن لوگوتيپ پەن ناتيجەلەرىن پايدالانۋ ءۇشىن اۋەكومپاريالاردان اقى المايدى.
2023/2024 ونلاين-ساۋالناماسى 2023 جىلعى قىركۇيەكتەن 2024 جىلعى مامىرعا دەيىن التى تىلدە وتكىزىلدى جانە وعان 100-دەن استام ۇلتتان 21،42 ميلليوننان استام ادام قاتىستىجانە 350-دەن ارتىق اۋەكومپانيانى قامتىدى.