بۇل رەيتينگ جولاۋشىلارعا ۇشار الدىندا قوسىمشا سەنىم بەرەدى.
Air Astana اۋەكومپانياسى Skytrax-تىڭ COVID-19 تارالۋىن بولدىرماۋ بويىنشا سەرتيفيكاتتاۋدان ءوتىپ، جوعارى رەيتينگكە يە بولدى، دەپ حابارلايدى Almaty-akshamy.kz.
اۋە كومپانياسىنىڭ باسپا ءسوز قىزمەتىنىڭ مالىمەتى بويىنشا، Air Astana Skytrax-تىڭ COVID-19 تارالۋىن بولدىرماۋ بويىنشا سەرتيفيكاتتاۋدان مامىر-ماۋسىم ايلارىندا ۇيىمداستىرىلعان اۋديت قورتىندىسى بويىنشا ءوتتى.
اۋديت پاندەميا جاعدايىندا نۇر-سۇلتان مەن الماتى قالالارىنداعى Air Astana نىساندارىنداعى دەنساۋلىقتى قورعاۋ مەن تازالىق شارالارىنا تالداۋ جاسادى.
اۋديت بارىسىندا تازالاۋ مەن دەزينفەكسيا رەتى، جەكە گيگيەنا قۇرالدارىنىڭ ستاندارتتارى مەن قولدانۋ ەرەجەلەرىنىڭ ساقتالۋى، اقپاراتتىق-تانىمدىق بەلگىلەر مەن دەزينفەكسيالاۋ قۇرالدارىنىڭ بولۋى، الەۋمەتتىك اراقاشىقتىقتىڭ ساقتالۋى مەن رەيسكە تىركەلۋ، قونۋ مەن ۇشۋ كەزىندە سانيتارلىق بەتپەردەلەردى قولدانۋ باعالاندى.
«پاندەميانىڭ العاشقى كۇنىنەن باستاپ Air Astana جولاۋشىلاردىڭ دەنساۋلىعىن قورعاۋ ماقساتىندا بارلىق قاجەتتى شارالاردى ساقتاۋدا. بۇل مىندەتتى ورىنداۋداعى ادالدىعىمىز بۇگىنگى Skytrax سەرتيفيكاتتى الۋىمىزعا سەبەپ بولدى. بۇل جولاۋشىلارىمىزعا ۇشار الدىندا قوسىمشا سەنىم بەرەتىنىنە سەنىمدىمىن»،– دەدى Air Astana پرەزيدەنتى پيتەر فوستەر.
Skytrax-تىڭ باس ديرەكتورى ەدۆارت پلەيستەد "Air Astana COVID-19 تاۋەكەلىن ازايتۋ ماقساتىندا ادىستەمەگە جۇگىندى. اۋديت اۋە كومپانياسىنىڭ بورتتاعى گيگيەنا بويىنشا سانيتارلىق تالاپتاردى ساقتاۋ مەن پاندەميا كەزىندە قىزمەت كورسەتۋدى ورىنداعانىن ەرەكشە اتاپ ءوتتى»، - دەدى.
ەستەرىڭىزگە سالا كەتسەك، بيىل Air Astana اۋەكومپانياسى APEX رەيتىنگىندە ۇشۋ كەزىندە COVID-19 تارالۋىن بولدىرماۋ جانە ازايتۋ بويىنشا Diamond دەڭگەيىن يەلەنگەن بولاتىن.
بۇگىندە Air Astana اۋە كومپانياسىنىڭ جولاۋشىلاردىڭ دەنساۋلىعى ءۇشىن قاۋىپسىزدىك شارالارىن تولىق ساقتايتىنىن تاعى ءبىر رەت دالەلدەدى.