Air Astana اۋە كومپانياسى قازاقستان استاناسىنان تايلاندتىڭ ەڭ ۇلكەن كۋرورتتىق ارالى پحۋكەتكە اپتاسىنا ءۇش رەت ۇشاتىن رەيس اشۋدى جوسپارلاپ وتىر، دەپ حابارلايدى aqshamnews.kz
اۋە كومپانياسىنىڭ باسپا ءسوز قىزمەتىنىڭ مالىمەتىنشە، العاشقى رەيس 26 قازاندا جۇزەگە اسىرىلاتىن بولادى.
استانا — پحۋكەت — استانا باعىتىنداعى جاڭا رەيس الماتىدان ارالعا جانە كەرى باعىتتاعى قولدانىستاعى رەيستى تولىقتىرادى. ايتا كەتۋ كەرەك، اۋە كومپانياسى الماتىدان كۇندەلىكتى رەيستەردى ورىنداۋدى جوسپارلاپ وتىر (قازىرگى ۋاقىتتا رەيستەر اپتاسىنا بەس رەت ورىندالادى).
الدىن الا كەستە (جەرگىلىكتى ۋاقىتپەن):
— كس 163 رەيسى استانادان دۇيسەنبى، سارسەنبى جانە سەنبى كۇندەرى ساعات 21:40-تا ۇشادى. — پحۋكەتكە كەلۋ — ساعات 07:45-تە. — كس 164 رەيسى كەرى باعىتتا استاناعا سەيسەنبى، بەيسەنبى جانە جەكسەنبى كۇندەرى ساعات 09:30-دا ۇشادى. — قازاقستان استاناسىنا كەلۋ — ساعات 16:10-دا.
بۇل باعىتتا ەكى كلاسستى كومپونوۆكاسى بار Airbus A321LR تارفيۋزەلياجدى لاينەرلەرى قىزمەت كورسەتەتىن بولادى: «بيزنەس» كلاسىندا 16 ورىن جانە «ەكونوم» كلاسىندا 150 ورىن بار.