«زاڭسىز يەمدەنگەن اكتيۆتەردى مەملەكەتكە قايتارۋ تۋرالى» زاڭ سۋبەكتىسىنىڭ اكتيۆتەردى يەمدەنۋ كوزدەرىنىڭ زاڭدىلىعىن مونيتورينگىلەۋ جانە تالداۋ شەڭبەرىندە ونىمەن ۇلەستەس تۇلعالاردا پايدا بولۋى تۇسىنىكسىز اكتيۆتەرى انىقتالدى.
اعىمداعى جىلى اكتيۆتەردى قايتارۋ جونىندەگى كوميتەت 10 ملن اقش دوللارىنان استام سوماعا اكتيۆتەردى مەملەكەت كىرىسىنە اينالدىرۋ تۋرالى تالاپ ارىز بەردى، دەپ حابارلايدى aqshamnews.kz.
ق ر باس پركۋراتۋراسىنىڭ اكتيۆتەردى قايتارۋ جونىندەگى كوميتەتىنىڭ مالىمەتىنشە، سوت تالقىلاۋى بارىسىندا جاۋاپكەرلەر وزدەرىنە تيەسىلى اكتيۆتەردى يەمدەنۋ كوزدەرىنىڭ زاڭدىلىعىن دالەلدەي المادى.
ءبىرىنشى ساتىداعى سوت اكتيۆتەردى قايتارۋ جونىندەگى كوميتەتتىڭ تالاپتارىن تولىق قاناعاتتاندىردى، سوت القاسىنىڭ قاۋلىسىمەن جاۋاپكەرلەردىڭ اپەللياسيالىق شاعىمدارى قاناعاتتاندىرۋسىز قالدىرىلدى.
Cوت شەشىمىن ورىنداۋ اياسىندا مەملەكەت كىرىسىنە قولما-قول اقشا، قىمبات زەرگەرلىك بۇيىمدار، ساراپشىلاردىڭ پىكىرىنشە تامىرى ساق داۋىرىنەن باستاۋ الاتىن تاريحي-مادەني مۇرا زاتتارى اينالدىرىلدى.
بۇل جاعدايدا اكتيۆتەردى ماجبۇرلەپ قايتارۋ مەحانيزمى قولدانىلعانىنا قاراماستان، اكتيۆتەردى ەرىكتى تۇردە قايتارۋدى ىنتالاندىرۋ «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭنىڭ نەگىزگى قاعيداتى بولىپ تابىلادى جانە بولىپ قالا بەرەدى.