Air Astana IPO-عا شىققان جاعدايدا ونىڭ اكسيالارىنىڭ جارتىسىنان استامىنىڭ يەسى وتاندىق رەزيدەنتتەر بولۋى كەرەك، دەپ حابارلايدى Almaty-akshamy.kz.
بۇل تۋرالى «سامۇرىق-قازىنا» ۇلتتىق ءال-اۋقات قورىنىڭ دامىتۋ جانە جەكەشەلەندىرۋ جونىندەگى باسقارۋشى ديرەكتورى ەرنار ءجانادىل ءمالىم ەتتى، دەپ جازدى قازاقپارات.
«Air Astana كومپانياسى IPO-عا شىققان جاعدايدا ونىڭ ورنالاستىرىلعان اكسيالارىنىڭ 51 پايىزى قازاقستاندىق رەزيدەنتتەردە قالۋى ءتيىس. سوندىقتان مەملەكەتتىك حولدينگ وسى العىشارتتى نازارعا الادى. ياعني، اكسيا ساتىپ الۋشىلارى قازاقستاندىق رەزيدەنتتەر (جەكە جانە زاڭدى تۇلعالار) بولۋى كەرەك. BAE Systems Air Astana اكسيالارىن IPO-عا ورنالاستىرۋدا قانداي دا ءبىر باسىمدىققا يە بولعىسى كەلەدى. ءبىز ولاردىڭ ۇستانىمىن قۇرمەتتەيمىز جانە بىرلەسىپ جۇمىس ىستەۋگە دايىنبىز»، - دەدى ەرنار ءجانادىل Astana Finance Days كونفەرەنسياسى بارىسىندا ب ا ق وكىلدەرىنىڭ ساۋالىنا.
ونىڭ ايتۋىنشا، وتاندىق قور بيرجاسىنىڭ مۇمكىندىگى كوپ.
«ءوز تاراپىمىزدان IPO-عا شىققاندا اكسيانى حالىقارالىق ءۇش الاڭعا ورنالاستىرۋدى تالاپ ەتەمىز. ول AIX جانە KASE جانە حالىقارالىق، بۇل جاعدايدا BAE Systems لوندون الاڭىن كوزدەپ وتىرمىز»، - دەيدى سامۇرىق قازىنا كومپانياسىنىڭ وكىلى.
بۇعان دەيىن حابارلاعانىمىزداي، Air Astana كەلەسى جىلى IPO-عا شىعادى.
«Air Astana كومپانياسى IPO-عا وتۋگە دايىن. بيىل جەرگىلىكتى بيرجالارعا IPO-عا شىعۋدى ۇسىنامىز. ءبىز بەدەلدى ينۆەستور تاپتىق. IPO-عا شىعۋ ءۇشىن اكسيونەرلەرىنىڭ پوزيسياسىنا قۇلاق اسۋىمىز كەرەك. ءقازىر ولار Air Astana حالىقارالىق بيرجادا جانە جەرگىلىكتى بيرجالاردا ليستينگكە شىعۋى كەرەك دەيدى. ياعني، كەلىسسوزدەر ءالى دە ءجۇرىپ جاتىر، ءبىز ولاردىڭ تالاپتارىن تالقىلاپ جاتىرمىز. الدىن الا بولجامعا سايكەس Air Astana كومپانياسى IPO-عا 2024 جىلى شىعۋدى جوسپارلاپ وتىر»، - دەگەن ەدى ەرنار ءجانادىل.