اينۇر تۇرسىنبايەۆا نەمەرەسىنىڭ بەسىك تويىن دۇركىرەتىپ وتكىزدى

تانىمال ايتىسكەر-اقىن اينۇر تۇرسىنبايەۆا نەمەرەسىنىڭ بەسىك تويىن دۇركىرەتىپ وتكىزدى، - دەپ حابارلايدى Almaty-akshamy.kz.  

قۋانىشتى ساتتەردى ونەر يەسى الەۋمەتتىك جەلىدەگى پاراقشاسىندا ءبولىستى. بەسىك توي الماتىداعى «سۆەتلانا» مەيرامحاناسىنادا ءوتتى. الايدا ونەرپازدىڭ بالا-شاعاسى ىستامبۇلدا قالعان. اينۇر تۇرسىنبايەۆانىڭ كەلىنىنىڭ ايتۋىنشا، ولار الەمنىڭ (نەمەرەسىنىڭ ەسىمى - ەسك.) تۋۋ تۋرالى كۋالىگىن كۇتىپ وتىر. 

اينۇر تۇرسىنبايەۆانىڭ ايتۋىنشا، كەلگەن قوناقتارعا درەسس-كود جاسىل تۇستە بولاتىنى ايتىلعان. ءتىپتى تويباستار دا جاسىل تۇستە بولدى، -دەپ جازدى Massaget.kz. 

«ءار تويدىڭ درەسس-كودى بولۋ ءقازىر ترەندتە. ءبىز دە قالمادىق. تويدىڭ ءتۇسى - كورىپ تۇرعاندارىڭىزداي، جاسىل!»،- دەدى ول. 

توي شىمىلدىعىن «الاتاۋ سەرىلەرى» ەتنو توبى اشتى. 

بۇدان باسقا، اينۇر تۇرسىنبايەۆانىڭ قۋانىشىن ءبولىسىپ، تويعا كەلگەن جۇلدىزدار قاتارىندا ماقپال ءجۇنىسوۆا، تامارا اسار، جازيرا بايىربەكوۆا، روزا ءالقوجا مەن التىناي جورابايەۆا بار. 

ولار ونەر يەسىنىڭ نەمەرەسىنە ءان ارناپ، قۇتتىقتادى. سونداي-اق، اقىن قۇدالارى مەن دوستارىنىڭ ۆيدەوسىن ءبولىستى. 

اينۇر تۇرسىنبايەۆا تۇڭعىش نەمەرەسىنە ارناپ 5 قاباتتى تورتقا تاپسىرىس بەرگەن. 

ەسكە سالايىق، بۇعان دەيىن اينۇر تۇرسىنبايەۆا نەمەرەسىن پەرزەنتحانادان شىعارىپ الۋ ءراسىمىن ەرەكشە ۇيىمداستىرعانى حابارلانعان ەدى. 

ونەر يەسىنىڭ كەلىنى ءمادينا ەنەسىنىڭ ءبارىن ويلاستىرىپ قويعانىنا العىس بىلدىرگەن.

«قۇتتىقتاپ جاتقاندارعا راقمەت. كەشە ۇيگە كەلدىك. ءۇي ادەمى گۇل شوقتارىمەن تولىقتى. انام بەزەندىرۋدىڭ ءار بولىگىن ويلاستىرىپ قويعان. كامپيتكە دەيىن»، - دەپ جازدى ايتىسكەردىڭ كەلىنى.