بۇل تۋرالى الماتى اكىمى ەربولات دوسايەۆ جەتىسۋ اۋدانىنىڭ تۇرعىندارىمەن كەزدەسۋدە ايتتى، دەپ حابارلايدى اlmaty-akshamy.kz.
2022 جىلى اۋداندى اباتتاندىرۋ جۇمىستارى جالعاستى. "اينابۇلاق-1، 3" شاعىناۋداندارىنىڭ سكۆەرلەرى جانە گۇلدەر پاركى اعىمداعى جوندەۋدەن ءوتتى. سۋارۋ جۇيەلەرى جوندەلدى، جاڭادان جارىق تارتىلدى. سكەيت-پاركتەر ۇيىمداستىرىلعان 2 جاڭا جاستار الاڭى اشىلدى. زاماناۋي ستريتبول، باسكەتبول، ۆولەيبول جانە ۆوركاۋت الاڭدارى جابدىقتالدى.
وسى ناۋرىز ايىندا "كەمەل" شاعىناۋدانىندا جاڭا پاركتىڭ قۇرىلىسىن باستاپ، جىلدىڭ سوڭىنا دەيىن اياقتاۋدى كوزدەپ وتىرمىز.
سونداي-اق III توقساندا "كوكمايسا" شاعىناۋدانىنداعى ەسەنتاي وزەنىن اباتتاندىرۋدى اياقتايمىز. (10 گا، جاڭا مەردىگەر اعىمداعى جىلدىڭ ناۋرىز ايىندا انىقتالادى (ەجقوب).
«حالىق قاتىساتىن بيۋدجەت» جوباسى اياسىندا 2022 جىلى اۋداندا 23 جوبا ىسكە اسىرىلدى، ونىڭ ىشىندە بالالار مەن سپورت الاڭدارى جوندەلىپ، قوعامدىق كەڭىستىكتەر اشىلدى. 2023 جىلى حالىقتىڭ وتىنىمدەرى بويىنشا 800 ملن تەڭگەگە 17 جوبانى ىسكە اسىرۋ جوسپارلانعان.