قاڭتار وقيعاسىنداعى وقيعالاردىڭ ءبارى بيلىكتى كۇشپەن باسىپ الۋ ماقساتىمەن ۇيىمداستىرىلعان. قۇقىق قورعاۋشى ايمان وماروۆا ءماجىلىستىڭ جالپى وتىرىسىندا وسىنداي پىكىر ءبىلدىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«قاڭتار كۇندەرىندە نە بولعانىن ءبارى بىلگىسى كەلەدى. بۇل بەيبىت ميتينگىلەر بولدى ما الدە بيلىكتى كۇشپەن باسىپ الۋ ارەكەتى بولدى ما؟ قاڭتار وقيعالارىنىڭ نەگىزى بيلىكتى كۇشپەن تارتىپ الۋ ارەكەتى بولعانى كۇمانسىز دەپ توپشىلايمىز. قىلمىستىق قۇقىق بۇزۋ فاكتىلەرىنىڭ ءبارى وسى باستى ماقساتقا قول جەتكىزۋدىڭ ءتاسىلى بولعان. بيلىكتى كۇشپەن باسىپ الۋدىڭ قىلمىستىق كودەكستىڭ 179-بابىنىڭ 2) بولىگىندە مىنانداي ديسپوزيسياسى بار. «بيلىكتى كۇشپەن باسىپ الۋعا باعىتتالعان ارەكەتتەر نەمەسە بيلىكتى كۇشپەن ۇستاپ تۇرۋ ارەكەتتەرى – قازاقستان كونستيتۋسياسىن بۇزۋ نەمەسە قازاقستان رەسپۋبليكاسىنى كونستيتۋسيالىق قۇرىلىمىن كۇشپەن بۇزۋ»، - دەدى زاڭگەر.
سونداي-اق، وقيعانى تۇراقتاندىرۋدا پرەزيدەنتتىڭ ءرولى قانداي بولعانىن اتاپ ءوتتى.
«بۇل حاوستى پرەزيدەنت قانا ءوزىنىڭ ارەكەتىمەن توقتاتىپ، مەملەكەتتىك ساقتاپ قالا الدى. مۇنى اتاپ ايتۋ كەرەك»، - دەدى ايمان وماروۆا.