ايكا – ەسكورتشىلار جەلىسىن ۇيىمداستىرۋشى.
قوعامدا اتىشۋلى ءىستىڭ ءبىرى – "ايكا ءتىزىمى" دەگەن اتپەن تانىمال، 6،5 جىلعا سوتتالعان ەليتالىق ەسكورتشىلار جەلىسىن ۇيىمداستىرۋشى سوت ۇكىمىنە شاعىمدانباق، دەپ حابارلايدى Almaty-akshamy.kz
"بۇگىن 6،5 جىلعا سوتتالعان ەليتالىق ەسكورتشىلار جەلىسىن ۇيىمداستىرۋشى 25 جاستاعى قىزدىڭ تۇرمەدە ۇزاق ۋاقىت وتىرعىسى كەلمەيتىنى بەلگىلى بولدى. ول اپەللياسيالىق شاعىم ءتۇسىردى. پروسەسس جابىق رەجيمدە وتەدى"، دەپ جازدى كتك تەلەارناسىنىڭ سايتى.
سوتتالعانداردىڭ ۇستالعاندارى جايلى اقپارات 2023 جىلدىڭ ماۋسىم ايىندا بەلگىلى بولدى. ولاردىڭ باي كليەنتتەرگە ۇلكەن اقشاعا سەكس-كەشتەر ۇيىمداستىرىپ وتىرعانى حابارلاندى. كورسەتىلگەن جەڭگەتايلىق ءۇشىن م. كليەنتتەن الىنعان اقشانىڭ 40% -ىنا يەلىك ەتكەن. "كەزدەسۋلەردىڭ" ءبىر ساعاتى 500 مىڭ تەڭگەدەن باستالعان. ونىڭ 2022 جىلعى اقشالاي قاراجاتىنىڭ اينالىمى 209 ملن تەڭگەدەن اسقان.
ءتىنتۋ كەزىندە كۇدىكتىدەن قىلمىستىق "بيزنەس" تۋرالى جازبالارى بار قۇجات تاركىلەندى. ودان بولەك Lexus جانە Toyota Camry كولىكتەرى تاركىلەندى، سونداي-اق ەسىرتكى دە تابىلدى.
كەيىنىرەك ۇستالعان ادامنىڭ جازبالارىندا بولعان كليەنتتەردىڭ دەرەكتەرى جەلىگە تارالعانى بەلگىلى بولدى. داۋلى تىزىمدە بەلگىلى قازاقستاندىق تۇلعالار دا بولعان. ول "ايكا ءتىزىمى" دەگەن اتپەن تانىلدى. قازاقستان ءىىم اتالعان فاكتى بويىنشا تەكسەرۋ جۇرگىزىپ جاتقانىن حابارلادى. 2024 جىلدىڭ 21 مامىرىندا الماتىدا ەليتالىق ەسكورتشىلار قىزمەتىن ۇسىناتىن بيزنەستى ۇيىمداستىرۋشى قىزعا قاتىستى ۇكىم شىعارىلىپ، ول 6،5 جىلعا باس بوستاندىعىنان ايىرىلعان بولاتىن.