«ايگەرىم» شاعىن اۋدانىنداعى جەر تەلىمىن ءوز بەتىنشە باسىپ الۋ ارەكەتىنىڭ جولىن كەسىلدى

الماتى اكىمىنىڭ حالىقپەن كەزدەسۋى - بۇل ماسەلەلەردى شەشۋگە جانە داۋ-شاردى رەتتەۋگە ىقپال ەتەتىن اشىق ديالوگ. 

تۇرعىنداردىڭ سوزىنە قۇلاق اسۋ زاڭ بۇزۋشىلىقتاردى ۋاقىتىلى جويۋعا جانە ءىستى وڭ شەشىلۋىنە مۇمكىندىك بەرەدى، دەپ حابارلايدى Almaty-akshamy.kz. 

ماسەلەن، ەربولات دوسايەۆتىڭ 2023 جىلعى 26 شىلدەدەگى الاتاۋ اۋدانىنىڭ تۇرعىندارىمەن كەزدەسۋىنىڭ قورىتىندىسى بويىنشا «ايگەرىم» شاعىن اۋدانىنداعى ءوتىنىش بەرۋشىنىڭ ماسەلەسىن شەشۋ 2 كۇنگە سوزىلدى. 

اۋدان تۇرعىنى كونتەينەردى زاڭسىز ورناتۋعا جانە جەردى زاڭسىز باسىپ الۋعا شاعىمداندى. 

اقپاراتتىڭ انىق-قانىعىن الاتاۋ اۋدانىنىڭ اكىمى ا.قالدىبەكوۆ، الاتاۋ اۋدانى بويىنشا قالالىق جوسپارلاۋ جانە اۋماقتى دامىتۋدى ۇيلەستىرۋ قىزمەتىنىڭ جانە جەر رەسۋرستارىن باسقارۋ دەپارتامەنتىنىڭ باسشىلىعى بارىپ تەكسەردى.

اكىمدىك وكىلدەرى كونتەينەر ورناتىلعان جەر 2018 جىلدان باستاپ قالا رەزەرۆىندە ەكەنىن انىقتادى. 

تيىسىنشە، ونى جەكەمەنشىككە بەرۋ مۇمكىن ەمەس. مۋنيسيپالدىق مەنشىككە «ايگەرىم» شاعىن اۋداننىڭ ينسپەكتورى بالتاباي ۇلى ءسابيت قول سۇعۋعا ارەكەتتەندى. 

جەردى يەلەنۋگە قۇقىعىنا دالەل رەتىندە ول ادىلەت ورگاندارىندا تىركەلمەگەن 1998 جىلعى زاڭسىز شەشىمدى كورسەتتى. 

تەكسەرۋ ناتيجەسىندە ينسپەكتوردى قىزمەتتەن بوساتۋ تۋرالى شەشىم قابىلداندى. 

جۇمىستان بوساتۋ تۋرالى بۇيرىق قالا اكىمىنىڭ اپپاراتىنا جىبەرىلدى.