ورال قالالىق سوتىندا ق ر قك 194-بابى 1-بولىگى (بوپسالاۋ) جانە 147-بابى 5-بولىگى (جەكە ومىرگە قول سۇعىلماۋشىلىقتى بۇزۋ) بويىنشا ايىپتالعان ا-عا قاتىستى قىلمىستىق ىسكە قاتىستى ۇكىم شىقتى، دەپ حابارلايدى aqshamnews.kz.
بقو سوتىنىڭ باسپا ءسوز قىزمەتىنەن ءمالىم ەتكەنىندەي، ا. اتالعان باپتارعا سايكەس ايىپتى دەپ تانىلىپ، ول 3 جىل 2 ايعا باس بوستاندىعىنان ايىرۋ جازاسىن قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەۋگە سوتتالدى.
سوت تالقىسىندا انىقتالعانىنداي، سوتتالۋشى ا. مەن ب. زاڭدى نەكەدە تۇرعان. بىرگە ءومىر سۇرگەن ۋاقىتتا ب. Whatsapp مەسسەندجەرى ارقىلى كۇيەۋى ا-نىڭ ءوتىنىشى بويىنشا وعان ينتيمدىك سيپاتتاعى فوتوسۋرەتتى ءوز ەركىمەن جىبەرگەن.
«كەيىنىرەك ارالارىنداعى كەلىسپەۋشىلىكتەردى ەسكەرە وتىرىپ، ب. سوتقا نەكەنى بۇزۋ تۋرالى ارىز بەرگەن كەزدە، وعان ا. كەلىسپەگەن. ءسويتىپ ب-نى ماسقارا ەتەتىن ينتيمدىك سيپاتتاعى فوتوسۋرەتتەرىن تاراتامىن دەپ قورقىتىپ، ودان اقشا تالاپ ەتە باستاعان. اقىرى ا. ءوزىنىڭ ۇيالى تەلەفونىنان ب-نىڭ اكەسىنىڭ ۇيالى تەلەفونىنا، سونداي-اق Whatsapp مەسسەندجەرىندەگى جالپى توپقا ودان بۇرىن الىنعان ينتيمدىك سيپاتتاعى فوتوسۋرەتتەردى جىبەرگەن. وسىلايشا، ب-نىڭ جەكە ءومىرى تۋرالى قۇپيا مالىمەتتەردى ونىڭ كەلىسىمىنسىز تاراتقان»، - دەپ جازىلعان ۆەدومستۆونىڭ حابارلاماسىندا.
ۇكىم زاڭدى كۇشىنە ەنگەن جوق.