بۇل زاڭعا سايكەس، حالىقتى بىرنەشە جاقسى وزگەرىس كۇتىپ تۇر.
مەملەكەت باسشىسى قاسىم-جومارت توقايەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى، دەپ حابارلايدى Almaty-akshamy.kz
زاڭنىڭ ءماتىنى باسپاسوزدە جاريالانادى.
ءبىرىنشىسى – قازاقستاندىق ايەلدەر 2028 جىلعا دەيىن 61 جاستا زەينەتكە شىعادى.
بۇدان بولەك، جاسىنا بايلانىستى زەينەتاقى تولەمدەرىن ەسەپتەۋ ءۇشىن تابىس شەگى 46 ەسەلەنگەن ايلىق ەسەپتىك كورسەتكىشتەن 55 ەسەلەنگەن اەك-كە دەيىن ۇلعايتىلادى.
تاعى ءبىر وزگەرىس – 35 جاسقا دەيىنگى ادامدار «جاستار» ساناتىنا كىرەدى. دەپۋتاتتار بۇل جاستاردىڭ الەۋمەتتىك بەلسەندىلىگىن ارتتىرۋعا، ءوپتيميزمىن، ەرتەڭگى كۇنگە دەگەن سەنىمدىلىك سەزىمىن نىعايتۋعا مۇمكىندىك بەرەدى جانە حالىقارالىق تاجىريبەگە سايكەس كەلەدى دەپ سانايدى.
سونداي-اق اكىمدىكتەرگە ءتيىستى اكىمشىلىك-اۋماقتىق بىرلىكتىڭ دامۋ باسىمدىقتارىن ەسكەرىپ، جاستارعا جەڭىلدىكپەن جالعا بەرىلەتىن تۇرعىن ءۇي بەرۋ جونىندە باعدارلاما ازىرلەۋ جانە ىسكە اسىرۋ بويىنشا جاڭا قۇزىرەت بەرىلەدى.
زاڭدا بالا كۇتىمى بويىنشا تولەمدەردى تاعايىنداۋ كەزەڭىنىڭ ۇزاقتىعىن 1،5 جاسقا دەيىن ۇلعايتۋ نورماسى دا قاراستىرىلعان. ياعني، كەلەسى جىلدان باستاپ جاردەماقى ءسابي 1،5 جاسقا تولعانعا دەيىن تولەنەدى.
بۇعان قوسا، مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋ بويىنشا الەۋمەتتىك تولەمدەردىڭ مولشەرى ورتاشا ايلىق تابىستىڭ 45%-نا دەيىن ارتتىرىلادى.
ال مەملەكەتتىك اتاۋلى الەۋمەتتىك كومەك الۋشىلارعا ۇسىنىلاتىن كەپىلدەندىرىلگەن الەۋمەتتىك پاكەت مونەتيزاسيالانادى.