ايەلدەر ۆاگوندارى بار مارشرۋتتارعا تاعى التى باعىت قوسىلدى

ۇلتتىق تاسىمالداۋشى حالىقتىڭ سۇرانىسىن ەسكەرە وتىرىپ، 2022 جىلدىڭ  اقپانىنان باستاپ ايەلدەر ۆاگوندارى بار پويىزداردىڭ سانىن كوبەيتۋ تۋرالى شەشىم قابىلدادى، دەپ حابارلايدى اlmaty-akshamy.kz

جوبا پيلوتتىق رەجيمدە تاعى التى: 

1) № 45/46 «پاۆلودار-شىمكەنت»؛

2) № 85/86 «نۇر-سۇلتان-1-شىمكەنت»؛

3) № 37/38 «ماڭعىستاۋ-نۇر-سۇلتان-نۇرلى جول-سەمەي»؛

4) № 47/48 «نۇر-سۇلتان - نۇرلى جول-اتىراۋ»؛

5) № 379/380 «الماتى-2-ورال»؛

6) № 73/74 «الماتى-2-جەزقازعان» جولاۋشىلار پويىزىندا جۇمىس ىستەيدى.

سايتتاردا جانە بيلەت كاسسالارىندا ايەلدەر ۆاگوندارىنا تەمىرجول بيلەتتەرىن رەسىمدەگەن كەزدە جولاۋشىلار مۇقيات بولىپ، شارتتى بەلگىلەرگە نازار اۋدارۋى ءتيىس. ايەلدەر ۆاگوندارىنا ەرتىپ جۇرەتىن ادام بولعان كەزدە 7 جاسقا دەيىنگى ۇلداردى رەسىمدەۋگە دە جول بەرىلەدى. جول ءجۇرۋ بارىسىندا سۇراقتار تۋىنداعان كەزدە جولاۋشىلار ءوز ۆاگونىنىڭ جولسەرىگىنە نەمەسە پويىز باستىعىنا جۇگىنە الادى. 

ەستەرىڭىزگە سالا كەتەيىك، وتكەن جىلدىڭ قازان ايىندا كليەنتكە باعدارلانۋ جانە سەرۆيس دەڭگەيىن ارتتىرۋ ءۇشىن «جولاۋشىلار تاسىمالى» اق №77/78 «الماتى - ماڭعىستاۋ» جانە №351/352 «الماتى – 1-وسكەمەن" جولاۋشىلار پويىزدارىندا ايەلدەر ۆاگوندارىندا جول ءجۇرۋ قىزمەتىن ىسكە قوستى. جوبا ىسكە قوسىلعان ساتتەن باستاپ، 2021 جىلعى 10 قازان مەن 31 جەلتوقسان ارالىعىندا بۇل قىزمەتتى 13243 ايەل جولاۋشى پايدالانعان.