بۇگىن اقپارات جانە قوعامدىق دامۋ ءمينيسترى ا.بالايەۆا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان سالتاناتتى ءىس-شاراعا قاتىستى.
مينيستر «قۇرمەت» وردەنى، «ەرەن ەڭبەگى ءۇشىن» مەدالى، «قازاقستاننىڭ ەڭبەك سىڭىرگەن قايراتكەرى» قۇرمەتتى اتاقتارى، «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەيتويلىق مەدالدارى، «حالىق العىسى» مەدالدارى، «اقپارات سالاسىنىڭ ۇزدىگى» توسبەلگىلەرىمەن ماراپاتتادى، دەپ حابارلايدى Almaty-akshamy.kz
سونداي-اق قازاقستان رەسپۋبليكاسىنىڭ قۇرمەت گراموتالارى مەن ق ر پرەمەر-مينيسترىنىڭ قۇرمەت گراموتالارىن تابىستادى. ماراپاتتالعانداردىڭ اراسىندا قازاقستان ازاماتتىق قوعامىنىڭ كورنەكتى قايراتكەرلەرى بانۋ نۇرعازييەۆا، ايگۇل سولوۆيەۆا، مارات باشيموۆ، باق-تىڭ ارداگەرلەرى مەن قىزمەتكەرلەرى ساۋىق جاقان، ماقپال جۇماباي، سەرگەي نەستەرەنكو، مارينا ساحاروۆا جانە باسقالار بار.
ا.بالايەۆا قۇتتىقتاۋ سوزىندە:
«بيىلعى تاۋەلسىزدىكتىڭ 30 جىلدىعى – ەل دامۋىنىڭ جاڭا كەزەڭى. تاۋەلسىزدىكتىڭ بىزگە قالاي كەلگەنىن، وسى جولدا حالقىمىز قانداي قيىندىقتاردى كورگەنىن ەلباسىمىز كەشەگى «تاۋەلسىزدىك تاعىلىمى» ماقالاسىندا تاماشا جەتكىزدى. راسىندا، تۇڭعىش پرەزيدەنتىمىزدىڭ دە، مەملەكەت باسشىسىنىڭ دا ايتقانىنداي، وسى 30 جىلدىق مەرەيلى بەلەستى ەلىمىز ابىرويمەن باعىندىرىپ وتىر»، - دەدى ول.
مينيستر وسى جىلدار ىشىندە مەملەكەتتىك ساياساتتىڭ باستى يدەولوگيالىق باعىتتارىنا - اقپارات، ازاماتتىق قوعامدى دامىتۋ، قوعامدىق كەلىسىمگە ۆەدومستۆو جەتەكشىلىك ەتەتىنىن اتاپ ءوتتى.
«مەن سىزدەردىڭ ءارقايسىڭىزعا كاسىبي جۇمىسىڭىز ءۇشىن العىسىمدى بىلدىرگىم كەلەدى! ءارقايسىڭىز ورتاق ىسكە باعا جەتپەس ۇلەس قوستىڭىزدار»، - دەدى ا.بالايەۆا.
بەلگىلى قوعام قايراتكەرى ايگۇل سولوۆيەۆا بارشا قازاقستاندىقتاردى قۇتتىقتاپ، مينيسترلىكتىڭ ەلىمىزدىڭ تۇراقتى دامۋىنا زور ۇلەس قوسقانىن جانە مينيسترلىكتىڭ اتاۋىنداعى «دامۋ» نەگىزگى ءسوزى ءادىل كورىنىس تاپقانىن اتاپ ءوتىپ، ءارقاشاندا وسى ۆەكتوردى ۇستانۋعا تىلەك ءبىلدىردى.
«مينيسترلىك بۇل باعىتتا ماڭىزدى ءارى ءتيىمدى جۇمىس اتقاردى جانە قوعام وكىلدەرىمەن ديالوگتىڭ ءونىمدى فورماتىن قالىپتاستىردى»، - دەدى ا.سولوۆيەۆا.
ءوز كەزەگىندە «قازاقستاننىڭ ەڭبەك سىڭىرگەن قايراتكەرى» اتاعىمەن ماراپاتتالعان «قازاق راديوسىنىڭ» ارداگەرى ساۋىق جاقان اتا-بابالار ارمانداعان باقىتتى ۋاقىتتا ءومىر ءسۇرىپ جاتقانىمىزدى اتاپ ءوتتى. ول تاۋەلسىزدىكتىڭ 30 جىلدىق مەرەيتويى «قازاق راديوسىنىڭ» 100 جىلدىعىمەن تۇسپا-تۇس كەلگەنىن جانە اۋقىمدى جۇمىستىڭ ناتيجەلەرىن، مەملەكەت تاراپىنان راديوحابار تاراتۋ سالاسىنا شىنايى قامقورلىقتى سەزىنەتىنىن ايتتى.
قازاقستاننىڭ ازاماتتىق اليانسىنىڭ پرەزيدەنتى ب.نۇرعازييەۆا «قازاقستان رەسپۋبليكاسىنىڭ تاۋەلسىزدىگىنە 30 جىل» مەدالىن تابىستاۋ كەزىندە ەلىمىزدىڭ بارلىق وڭىرلەرىنىڭ ۇكىمەتتىك ەمەس ۇيىمدارىن بىرىكتىرەتىن بارشا ازاماتتىق اليانستىڭ ەڭبەگىن باعالاۋ رەتىندە قابىلدايتىنىن اتاپ ءوتتى.
سالتاناتتى ءىس-شارا بارىسىندا مەملەكەت باسشىسى قاسىم-جومارت توقايەۆتىڭ تاپسىرماسى بويىنشا مينيسترلىك تاۋەلسىزدىكتىڭ 30 جىلدىعى جىلىندا اتقارعان جۇمىسى تۋرالى بەينەروليك كورسەتىلدى.