الماتىدا دوستىق ۇيىندە قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى ايدا بالايەۆانىڭ رەسپۋبليكالىق ەتنومادەني بىرلەستىكتەردىڭ باسشىلارىمەن جانە قازاقستان حالقى اسسامبلەياسىنىڭ قوعامدىق قۇرىلىمدارىنىڭ اكتيۆىمەن كەزدەسۋى ءوتتى، دەپ حابارلايدى اlmaty-akshamy.kz قحا-نىڭ باسپا ءسوز قىزمەتىنە سىلتەمە جاساپ.
جۇمىسقا قحا ءتوراعاسىنىڭ ورىنباسارى – حاتشىلىق مەڭگەرۋشىسى م.ءازىلحانوۆ قاتىستى. جۇمىس بارىسىندا ا.بالايەۆا اسسامبلەيانىڭ قاڭتار وقيعالارى كۇندەرى جۇرگىزگەن جۇمىسىنا وڭ باعا بەردى، سونداي-اق قازاقستان پرەزيدەنتى ق.ك.توقايەۆتىڭ سوڭعى سويلەگەن سوزدەرىندە قويىلعان مىندەتتەرگە ەگجەي-تەگجەيلى توقتالدى.
پرەزيدەنت اكىمشىلىگى باسشىسىنىڭ ورىنباسارى ءوز سوزىندە بۇگىندە باستى نازاردا «جاڭا قازاقستاندى بىرگە قۇرايىق!» دەگەن ورتاق يدەيامەن بىرىكتىرىلگەن جاسامپاز كۇن ءتارتىبىنىڭ تۇرعانىن اتاپ ءوتتى.
«مەملەكەت باسشىسى الەۋمەتتىك-ەكونوميكالىق جانە قوعامدىق-ساياسي سالالاردا الدا تۇرعان جۇمىستىڭ نەگىزگى باسىمدىقتارىن ناقتى بەلگىلەپ بەردى. سونداي-اق «قوعامدا تۇيتكىلدى پروبلەمالاردى شەشۋ جولدارىنىڭ ايقىن كورۋىن» اتاپ ءوتتى. ونىڭ ايتۋىنشا، Nur Otan پارتياسىنىڭ سەزى كوكەيكەستى وزگەرىستەردىڭ ۋاقىتى كەلگەنىن، ەلدى جان-جاقتى جاڭعىرتۋدىڭ اۋقىمدى كۇن ءتارتىبىنىڭ تۇرعانىن ايقىن كورسەتتى»، - دەدى ايدا بالايەۆا.
وسى ورايدا ول قازاقستان حالقى اسسامبلەياسىنىڭ مىندەتتەرىنە ناقتى توقتالىپ، «جاڭا قازاقستاندى بىرگە قۇرايىق!» يدەياسىنىڭ اسسامبلەيا ءۇشىن باعدارلامالىق سيپاتقا يە ەكەنىن باسا ايتتى.
كەزدەسۋ بارىسىندا اسسامبلەيانىڭ الداعى ءىس-شارالارىنىڭ دايىندىق ماسەلەلەرى تالقىلاندى. مەملەكەت باسشىسىنىڭ قحا-نىڭ بارلىق قۇرىلىمىندا قوعامدىق كەلىسىم مەن بىرلىكتى نىعايتۋ جونىندەگى تاپسىرمالارىن ىسكە اسىرۋ بويىنشا ۇيلەسىمدى جۇمىس جۇرگىزۋ قاجەتتىگى اتاپ ءوتىلدى.