حالىقارالىق تۇركى مادەنيەتى ۇيىمى 2024 جىل – تۇركى الەمىنىڭ ۇلى اقىنى، ويشىل ماقتۇمق ۇلى پىراعى جىلى دەپ جاريالادى.
ونىڭ مەرەيتويى 2024-2025 جىلدارى يۋنەسكو-مەن بىرگە اتاپ وتىلەتىن اتاۋلى كۇندەر تىزىمىنە ەندى. مەرەيتوي اياسىندا تۇركىمەنستاندا ويشىل ماقتۇمق ۇلى پىراعىنىڭ تۋعانىنا 300 جىل تولۋىنا وراي حالىقارالىق كونفەرەنسيا ۇيىمداستىرىلدى، دەپ حابارلايدى اlmaty-akshamy.kz.
كونفەرەنسياعا 20 ەلدىڭ مادەنيەت مينيسترلەرىمەن بىرگە ق ر مادەنيەت جانە اقپارات ءمينيسترى ايدا بالايەۆا دا قاتىستى. ايدا بالايەۆا قۇتتىقتاۋ سوزىندە كۇللى شىعىس الەمىنىڭ وسكەلەڭ ۇرپاعى مەن جاستار ءۇشىن اقىن شىعارمالارىنىڭ ءرولى ماڭىزدى ەكەنىن اتاپ ءوتتى.
«بۇگىن ءبىز قارىم-قاتىناسىمىزدىڭ قارقىندى دامىپ كەلە جاتقانىن جانە مادەني-گۋمانيتارلىق سالادا ءوزارا تىڭعىلىقتى جۇمىس جۇرگىزىلىپ جاتقانىن كورىپ وتىرمىز. مۇنىڭ ءبارى ەكى ەل كوشباسشىلارىنىڭ كۇش-جىگەرى مەن سەنىمدى، دوستىق بايلانىستارىنىڭ ارقاسىندا ەكەنى ءسوزسىز. ماقتۇمق ۇلى پىراعىنىڭ مول مۇراسى ءبىزدىڭ حالىق ءۇشىن اسا ماڭىزدى. دوستىقتىق سيمۆولى، قازاق حالقىنىڭ اقىنعا جانە ونىڭ بۇكىل باۋىرلاس تۇرىكمەن حالقىنا دەگەن قۇرمەتىنىڭ بەگىسى رەتىندە ەل استاناسىندا ۇلى ويشىلعا ەسكەرتكىش ورناتۋ ءۇشىن قاجەتتى جۇمىستار جۇرگىزىلىپ جاتىر»، - دەپ اتاپ ءوتىپ، مينيستر ماقتۇمق ۇلى پىراعى اتىنداعى حالىقارالىق ادەبي سىيلىقتى تاعايىنداۋدى ۇسىندى.
ايدا بالايەۆا ارىپتەستەرىن تاۋ تۇلعالاردىڭ شىعارماشىلىعىن جۇيەلى تۇردە ناسيحاتتاپ، ولاردىڭ شىعارماشىلىعى ارقىلى الەمدىك مادەني كەڭىستىككە شىعۋعا شاقىردى. ايتا كەتەيىك، اشحابادتا تۇرىكمەن اقىنى ماقتۇمق ۇلى پىراعىنىڭ ەسكەرتكىشى اشىلدى.
اقىن ءمۇسىنى 60 مەترلىك مونۋمەنتالدى ەسكەرتكىش تۇرىندە تۇرعىزىلعان. اتالمىش نىسان ءتۇرلى ەلدەر مەن داۋىردەگى الەمگە ايگىلى جازۋشىلار مەن اقىنداردىڭ 24 ءمۇسىنىن بىرىكتىرەتىن جاڭا مادەني-ساياباق كەشەنىنىڭ قۇرامىنا كىردى.