مادەنيەت جانە اقپارات ءمينيسترى ايدا بالايەۆا قازاقستاندىقتاردى حالىقارالىق وتباسى كۇنى مەرەكەسىمەن قۇتتىقتادى، دەپ حابارلايدى Almaty-akshamy.kz.
"قۇرمەتتى دوستار، حالىقارالىق وتباسى كۇنىن اتاپ وتۋدە. بۇۇ باس اسسامبلەياسى وسىدان 31 جىل بۇرىن وتباسىنىڭ قوعامداعى ءرولى مەن ماڭىزىن ارتتىرۋ ءۇشىن بۇل مەرەكەنى بەلگىلەگەن بولاتىن. ارينە، ادام ءومىرى وتباسىدان باستالادى. وندا ونىڭ بالالىق شاعى، تۇلعا بولىپ قالىپتاسۋ جولى وتەدى. سوندىقتان وتباسى ماحاببات پەن قۇرمەتتىڭ، ىنتىماقتىڭ ۇياسى بولىپ قالا بەرەرى انىق. ال ادام ونسىز ءومىر سۇرە المايدى. قزاقستان حالقى ءۇشىن وتباسىنىڭ ورنى ەرەكشە. وتباسى ءومىردىڭ نەگىزگى قۇندىلىقتارىنىڭ، مادەنيەتىنىڭ، ساقتاۋشىسى،-دەدى مينيستر.
مينيستر قازاقستان قازىرگى كەزدە وتباسىن قورعايتىن زاڭنامالىق بازا قالىپتاسقان جەتەكشى ەلدەردىڭ ءبىرى ەكەنىن اتاپ ءوتتى. بىلتىر 1 شىلدەدە كۇشىنە ەنگەن الەۋمەتتىك كودەكس الەۋمەتتىك قولداۋ ماسەلەلەرىن رەتتەيتىن ماڭىزدى قۇجات بولىپ سانالادى. ەندى الەۋمەتتىك قولداۋ جاردەماقى تولەۋ عانا ەمەس، ازاماتتاردىڭ ومىرلىك قيىندىققا ۇشىراۋىنىڭ الدىن الۋعا باعىتتالعان الەۋمەتتىك كودەكستىڭ ءبىر جاڭاشىلدىعى وتباسىلىق سيفرلىق كارتاسى. بۇگىندە ول وتباسىلىق پورترەت دەپ اتالادى. وندا قازاقستاننىڭ 20 ملن ازاماتى نەمەسە 6 ملن-نان استام وتباسى تۋرالى اقپارات جيناقتالعان. سونداي-اق الەۋمەتتىك كودەكستە بالالاردى قولداۋ تۋرالى قوسىمشا شارالارى، اتاپ ايتساق، بالا كۇتىمى بويىنشا تولەم مەرزىمىن ءبىر جارىم جاسقا دەيىن ۇزارتۋ كوزدەلگەن. ەڭبەك زاڭناماسى جۇمىس ىستەيتىن انالار مەن اكەلدەردىڭ قۇقىعى مەن مىندەتتەرىن رەتتەيدى. وندا جۇكتى ايەلدەر مەن بالالى ايەلدەردى جۇمىسقا قابىلداعاندا كەپىلدىكتەر بەرۋ جانە جۇمىستان شىعارۋعا تىيىم سالۋ، 3 جاسقا دەيىنگى بالالارى بار انالارعا جالاقىسى ساقتالمايتىن قوسىمشا دەمالىس بەرۋ قاراستىرىلعان..
قۇرمەتتى دوستار، مۇنىڭ ءبارى بولاشاق ءۇشىن دامىعان ءارى وركەنيەتتى قازاقستاندا ءومىر سۇرۋگە ءتيىس جانە ءومىر سۇرەتىن بالالارىمىز بەن نەمەرەلەرىمىز ءۇشىن جاسالىپ وتار. بۇگىنگى حالىقارالىق وتباسى كۇنى ءبىز تاعى دا وتباسى قۇندىلىعىنىڭ ەرەكشە ماڭىزىنا، ونىڭ جاقسارتۋداعى رولىنە نازار اۋدارامىز. سىزدەردى وسى اتاۋلى داتامەن شىن جۇرەكتەن قۇتتىقتاي وتىرىپ، بارشاڭىزعا مىقتى دەنساۋلىق، باقىت پەن اماندىق تىلەيمىن، - دەدى ايدا بالايەۆا.