ق ر مادەنيەت جانە اقپارات ءمينيسترى ايدا بالايەۆا ءوزىنىڭ Facebook پاراقشاسىندا انالار كۇنى مەرەكەسىمەن قۇتتىقتادى، دەپ حابارلايدى Almaty-akshamy.kz.
قۇرمەتتى دوستار!
قۇرمەتتى انالار!
ەلىمىزدەگى مەرەكە كۇندەرىنىڭ تىزبەسى «انالار كۇنى» مەرەكەسىمەن تولىقتىرىلدى. ول مامىردىڭ ەكىنشى جەكسەنبىسىندە اتاپ وتىلەدى.
كوپتەگەن ەلدەردە انالارعا ارنالعان ايتۋلى كۇن بار. بيىل ءبىز ونى ءبىرىنشى رەت اتاپ وتەمىز.
ءسوز جوق، ەلىمىزدەگى انانىڭ ءرولى وتباسىلار مەن قوعامدا ەرەكشە ورىن الادى، بالالارىن تاربيەلەۋ مەن دامىتۋدا ماڭىزدى ءرول اتقارادى. ولاردىڭ ماڭىزدىلىعى تانىلادى جانە باعالانادى.
مەملەكەت باسشىسى ق. ك. توقايەۆ اتاپ وتكەندەي، «ءبىزدىڭ دانا حالقىمىز ءارقاشان انالاردى قۇرمەتتەپ، قىزدارىن قامقورلىقپەن قورعاعان. بۇل كوزقاراس عاسىرلار بويى ءبىزدىڭ قانىمىزدا بولدى».
انالاردىڭ شەكسىز سۇيىسپەنشىلىگى مەن دانالىعى وتباسى مەن قوعامنىڭ نەگىزىن قۇرايدى.
قوعامنىڭ جاۋاپتى، جاناشىر مۇشەلەرىن تاربيەلەۋ ارقىلى بالالاردىڭ بولاشاعىن قالىپتاستىراتىن دا انالار.
حالىق اراسىندا «باقىتتى انا - باقىتتى بالا» دەگەن ۇعىم قالىپتاسقان، شىنىندا انا قۋانسا، ولاردىڭ بالالارى دا، ولارمەن بىرگە ءبىزدىڭ قوعام دا وركەندەيدى.
بۇل كۇن ءبىزدىڭ قىمباتتى انالارىمىزعا العىس، قۇرمەت پەن سۇيىسپەنشىلىك بىلدىرۋگە تاماشا مۇمكىندىك، - دەپ جازدى ول.
مادەنيەت جانە اقپارات ءمينيسترى، سونداي-اق، بارلىق وقىرماندارىن انالارعا العىس ايتۋعا شاقىردى.
قۇرمەتتى دوستار!
مەن سىزدەردى قىمباتتى انالارىڭىزعا جىلى تىلەكتەرىڭىزدى بىلدىرۋگە ، ەستەلىكتەرىڭىزبەن بولىسۋگە جانە ءارتۇرلى الەۋمەتتىك پلاتفورمالاردا #اناشىم حەشتەگىمەن العىس ايتۋعا شاقىرامىن!
وسى ەرەكشە كۇنى انالارىمىزعا ءبىزدىڭ شەكسىز سۇيىسپەنشىلىگىمىزدى سەزىنۋگە جانە ولاردىڭ باعا جەتپەس ماڭىزدىلىعىن كورسەتەيىك، - دەدى ايدا بالايەۆا.