الەمدەگى قازىرگى احۋال شيەلەنىس پەن تۇراقسىزدىقتىڭ ۋشىعۋىن بايقاتىپ وتىر.
قازاقستاندا قىزمەتتىڭ بارلىق سالاسىندا ايەلدەردىڭ جۇمىسىن ىلگەرىلەتۋ تۇرعىسىندا تابىستى كورسەتكىشتەرگە قول جەتكىزىلدى. بۇل تۋرالى بەيبىتشىلىك پەن قاۋىپسىزدىك ماسەلەسىندە ايەلدەردىڭ ءرولى تاقىرىبىنا ارنالعان دوڭگەلەك ۇستەل وتىرىسىندا ق ر پرەزيدەنتى اكىمشىلىگى باسشىسىنىڭ ورىنباسارى ايدا بالايەۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىنگى جيىندا بەيبىتشىلىك پەن قاۋىپسىزدىك ماسەلەلەرىن تالقىلايمىز. قازىرگى كەزدە وسى تاقىرىپتا جان-جاقتى ءارى ماڭىزدى ديالوگ قاجەت ەكەنىن بەلگىلى. الەمدەگى قازىرگى احۋال شيەلەنىس پەن تۇراقسىزدىقتىڭ ۋشىعۋىن بايقاتىپ وتىر. قاقتىعىستاردىڭ تەرىس سالدارى تۇتاس وڭىرلەرگە ءقاۋىپ ءتوندىرىپ، تۇراقسىزدىقتى تۋدىرادى»، - دەدى ايدا بالايەۆا ق ر سىرتقى ىستەر مينيسترلىگىندە وتكەن جيىندا.
وسى ورايدا ول بۇل تۇرعىدا 2010 جىلى قابىلدانعان «ايەلدەر، بەيبىتشىلىك جانە قاۋىپسىزدىك» بۇۇ قاۋىپسىزدىك كەڭەسىنىڭ قارارى ەرەكشە ماڭىزعا يە بولىپ وتىرعانىن اتاپ ءوتتى.
«بۇل قارار، سونداي-اق كەيىنگى سەگىز قۇجات سوعىس پەن بەيبىتشىلىكتىڭ گەندەرلىك ولشەمدەرىن جانە قاقتىعىستاردى توقتاتۋ مەن شەشۋدە ايەلدەردىڭ ماڭىزدى ءرولىن مويىنداتۋعا ىقپال ەتتى. وسىمەن ايەلدەردى بەيبىت كەلىسسوزدەر پروسەستەرىنە كوپتەپ تارتۋ، گۋمانيتارلىق ءىس-قيمىل مەن شيەلەنىستەن كەيىنگى قالپىنا كەلتىرۋگە قاتىسۋى قۇقىعى بەكىتىلگەن. ايەلدەردىڭ قاۋىپسىزدىگى مەن تەڭدىگى بولمايىنشا تۇراقتى بەيبىتشىلىككە قول جەتكىزۋ مۇمكىن ەمەس ەكەنى بەلگىلى. قازاقستان تاراپى ايەلدەردى مەملەكەت قىزمەتىنىڭ بارلىق سالاسىندا ىلگەرىلەتۋ جانە ايەلدەر مەن قىزداردى زورلىق-زومبىلىقتان قورعاۋ ءۇشىن قابىلدانعان ءتيىمدى ءارى ينستيتۋسيونالدى شارالار دەڭگەيىندە ءتيىستى تابىستارعا قول جەتكىزدى»، - دەدى ايدا بالايەۆا.
ق ر پرەزيدەنتى اكىمشىلىگى باسشىسىنىڭ ورىنباسارى ق ر پرەزيدەنتىنىڭ جارلىعىمەن قازاقستان رەسپۋبليكاسىنداعى 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسى بەكىتىلگەنىن، وندا بارلىق ماسەلەلەر قامتىلعانىن ەسكە سالدى.