ايبەك سمادياروۆ جاڭا لاۋازىمعا تاعايىندالدى، - دەپ حابارلايدى Aqshamnews.kz ءتىلشىسى. بۇل تۋرالى بۇگىن، 15 جەلتوقساندا اقوردانىڭ باسپا ءسوز قىزمەتى جازدى
«مەملەكەت باسشىسىنىڭ وكىمىمەن ايبەك سەرىكباي ۇلى سمادياروۆ قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى لاۋازىمىنا تاعايىندالدى»،- دەلىنگەن حابارلامادا.
ايتا كەتەيىك، بۇعان دەيىن ول سىرتقى ىستەر مينيسترلىگىنىڭ رەسمي وكىلى قىزمەتىن اتقارعان ەدى.
9 جەلتوقساندا سمادياروۆ جۋرناليستەرگە قىزمەتىنەن كەتەتىنىن جەتكىزگەن بولاتىن. ايتۋىنشا، ول بۇل كۇنگە الدىن الا دايىندالعان جانە شەشىمدى اياقاستى قابىلداماعان.
«مەن بۇل كۇنگە ارنايى دايىندالدىم. بۇل – مەنىڭ جەكە شەشىمىم. وسى مىنبەردە تۇرعانىما سەگىز جىل بولىپتى. وسى ۋاقىت ارالىعىندا ەلىمىزدىڭ سىرتقى ساياساتى تالاي بەلەستەردەن ءوتتى، ءتۇرلى سۇراقتار تۋىندادى. تەك سىزدەردىڭ، جۋرناليستەردىڭ ارقاسىندا بۇكىل الەم قازاقستان تۋرالى ءبىلدى. سىزدەر مينيسترلىككە وراسان زور قولداۋ كورسەتتىڭىزدەر»، – دەگەن ەدى ول.