ايازدان التى كولىك ورتەندى

قاتتى ايازدا قاتىپ قالعان كولىكتى جىلىتۋ ماقساتىمەن جۇرگىزۋشىلەر اشىق وتتى قولدانعان.  

قاراعاندى وبلىسىندا  9-10 جەلتوقسان ارالىعىندا اۆتوموبيل كولىگىندە 6 ءورت تىركەلدى.

ءورت قاراعاندى، تەمىرتاۋ، شاحتينسك قالالارىندا ورىن الدى. ءورتتىڭ شىعۋ سەبەبى-ەلەكتر سىمدارىنىڭ قىسقا تۇيىقتالۋى، دەپ حابارلايدى اlmaty-akshamy.kz. 

اعىمداعى جىلدىڭ باسىنان بەرى وبلىستا اۆتوكولىكتە بارلىعى 144 ءورت تىركەلدى، وندا 1 ادام جاراقات الدى.

اۆتوكولىكتەگى ءورتتىڭ نەگىزگى سەبەپتەرى وتىن نەمەسە ەلەكتر جۇيەسىنىڭ دۇرىس جۇمىس ىستەمەۋى بولىپ وتىر. قىس مەزگىلىندە ءورت اشىق وتتى قولدانا وتىرىپ، مۇزداتىلعان كولىكتەردى جىلىتۋ كەزىندە دە بولادى. كوپ جاعدايدا كولىك جۇرگىزۋشىلەرى ايازدان قاتىپ قالعان كولىكتى وت الدىرۋ ءۇشىن اشىق وتتى قولدانىپ، تەمىر تۇلپارلارىن ورتەپ العان.

"اۆتوكولىكتىڭ ديزاينىندا جانعىش ماتەريالداردىڭ كوپ مولشەرى قولدانىلادى. سوندىقتان كەز كەلگەن اۆتوكولىكتە ءورت قاۋىپسىزدىگى شارالارىن قاتاڭ ساقتاۋ قاجەت.

اۆتوكولىكتە ءورت قاۋىپسىزدىگى شارالارىن ساقتاڭىزدار.

وتىن جانە ەلەكتر جۇيەسىنىڭ دۇرىستىعىن قاداعالاۋ ماڭىزدى. ءارقاشان وڭاي قول جەتىمدى جەردە ءورت سوندىرگىش ساقتاڭىز. قىستا مۇزداتىلعان بولشەكتەردى جىلىتۋ ءۇشىن اشىق وتتى پايدالانباڭىز"، - دەپ ەسكەرتەدى قاراعاندى وبلىسىنىڭ توتەنشە جاعدايلار دەپارتامەنتى.